Oyige ey’Oherhe Omuhigo g’Okubwira Abandi oku Biwayigire

Amango rhwamayiga e Bibliya rhwakachiyunva bwinja, aliko rhwachiyunva bwinja bwenene amango rhwamabwira abandi oku bintu rhwayigire byarhurhabere kuyegera Yehova bwenene. Mezali 11:25 haderhere ntya: “Olala onaha abandi amenji m’okunywa naye ahabwa amenji m’okunywa.”

Okubwira abandi oku birhwayigire, kwakarhuma byarhuyorohera kuyibuka ebi rhwayigaga n’okukuza obumenyi bwerhu. Na bulala abandi bakayunguka n’ebyola bintu, rhwayunva obusime b’okubabwira kubyo.​—Mdo. 20:35.

Chihangana kujira ntya: Omu boso lyayinjire, olonze orozo l’okubwira abandi oku biwayigire. Wakajira ntyo oku muntu w’omulala, omuntu w’omu chibaga, ey’onakola naye, owenyu mwanafunzi, omuturanyi, changwa omuntu wabuganene naye omu mahubiri. Ochihangane kuganira naye omu byawe-byawe binwa biyorohere binali wazi.

Echokuyibuka: Obwire abandi oku biwayigire omu kubahira omurhima, s’arhali omu kuchiyerekana ok’oyinji binene.​—1 Ko. 8:1.