Empanvu Zakarhuma Rhwanihira omu 2023​—Bichi Ebiblia Ebiderhereko?

Ku gunola murhondero g’omwaka gwa 2023, rhweshi rhunihiire okw’ebintu byarhubera bwinja, rhwewe n’emilala yerhu. Bulagurhe rhunihiire oku haba ebinja amango mayinjire?

Ebiblia erhuhere obunihire

Ebiblia ehaanire emyazi minja okw’ebibazo rhuli rhwahurana zene bili bya kasanzi kageke n’oku hano hofi byahwa. Che chirhumire, ebili omu Biblia “byayandikwaga yi birhuyigiriza, yi kugerera . . . echirhulirizo chirhengere omu Mandiko, rhugwarhe obulangalire.”​—Waroma 15:4.

• Y’omenya binene oku bilolere ebilagane byEbiblia, osome omwazi “Tumaini Bora la Wakati Ujao” (Obunihire b’Okuli bw’Amango Mayinjire).

Obunihire bwakakurhabala zene

Obunihire bwEbiblia bwakaba nka “nanga y’akalamo kerhu.” (Waebrania 6:19, mahugulo m’eshishi) Obola bunihire bwakarhurhuliza. Bwakarhurhabala kulwisa ebibazo byerhu zene, okugwarha amawazo menja n’okugwarha obusime bugenderere. Omufano:

• Olole okuntu obunihire Ebiblia ehaanire bwarhabere mulume muguma kulwisa engeso zibi alikomere bwenene. Olole evideo “Maisha Yangu Yalinichokesha” (Okuntu Nalilamire Kwabaga Kwanchosezye).

• Lola gurhe obunihire Ebiblia ehaanire bwakarhurhabala amango rhwamaheza omuzigirwa. Olole evideo Echirhulirizo ku Balala Bafisize.

Okomeze Obunihire Bwawe

Bantu banene banaba banihiire ebintu binja, s’aliko eyi barhali sire akaba kweri byanaba. Aliko arhali ntyo kw’ebilagane bye Biblia byowe bili. Bulagurhe? Bulala ebilagane byEbiblia byowe birhengere emwa Yehova Mungua “orhakabesha.” (Tito 1:2) Yehova aherhe obuhashe b’okuyeneza ebilagane byage byoshi; akagala kujira “buli chintu choshi alonzeze kujira.”​—Zaburi 135:5, 6.

Rhukuyegereze n’obushagaluke bunene nawe oyunguke n’obunihire bwakachizerwa Ebiblia ehaanire. Nawe wakabona oku bukweri omu “kusuzuma amandiko bwinja-bwinja.” (Matendo 17:11) Wenyine ochilolere nka gurhe omu kukulikira eprograme yerhu y’okuyigiriza abantu Ebiblia buzira kulipa. Orhondere Omwaka gwa 2023 y’oherhe obunihire bwinja bw’amango mayinjire!