Okulindira

Okuntu Yesu Alijirire

EVIDEO: Yesu Ali arhabala Mwene-wabo ey’Anali Agenderera Kulindira

1. Olole EVIDEO, changwa osome Yohana 7:3-5 na 1 Wakorinto 15:3, 4, 7. Oje wawaza oku bibazo bikulikireho:

1. Burhanzi, gurhe bene-babo Yesu balipokeye oburhumwa?

2. Bichi biyerekene oku Yesu arhalilekerer’aho kurhabala Yakobo mwene-wabo?

Bichi Ogula Mufano gwa Yesu Gurhuyigirize?

2. Bihemere rhwanalindira bulala bantu baguma banalegama kuyemera emyazi minja kulusha abandi.

Oyiganye Yesu

3. Okolese obufundi burhali kuguma. Nk’omuntu arhayemerere aho han’aho kuyiga Ebiblia, orhamusezaga. Omu mango makwanene okolese evideo changwa myazi milebe yakamurhabala ayunve gurhe rhunayigiriza abantu Ebiblia na gurhe akayunguka n’eyola programe.

4. Orharholaga abantu kuguma. Buli muntu aba kwage-kwage. Nka hali omuntu w’omu mulala changwa omuntu wagalukiraga waganganire kuyiga changwa okuyemera efunzo lye Biblia, owaze bichi byakaba birhumire. Hali bwemere bulebe ab’achizerere bwenene si? Ali alwisa obupinzani omu mulala changwa omu baturanyi si? Omulekere akasanzi k’okuwaza oku biwaderhere n’okusima ebye Biblia ederhere.

5. Osalirire omuntu osimisizwe. Oheme Yehova akurhabale ogenderere kugwarha amawazo menja n’amayeri. Oheme Yehova akurhabale kurhegera mangochi wakaleka kuyiga n’omuntu obonekene nk’arhasimisizwe.—1 Ko. 9:26.