Gurhe Olufu lwa Yesu Lwakarhuchungula?

Rhunajira echaha, rhunalibuka, n’okufa, bulala omulume n’omukazi barhanzi Adamu na Eva balifundire kukenga Mungu.a Aliko rhuchiherhe obunihire. Yehova arhuhere enjira y’okurhuchungula omu muvumo gw’echaha n’olufu, kugerera Omugala Yesu Kristu. Ebiblia eyigirize oku Yesu ahaanire enchungu kugerera olufu lwage. Enchungu liba beyi changwa akachiro kanalipwa omu kugombola omuntu. Ebeyi Yesu alipaga, kali kachiro k’akalamo kage kashinganyanya k’omuntu. (Osome Matayo 20:28.) Amango Yesu ayemeraga aheze ehaki yage y’okulama oku gulu esiku n’amango, arhufungulira enjira y’okushuba kugwarha byoshi Adamu na Eva bahezaga. Yesu alishubire kuyerekana kangana gurhe yewe, na Yehova barhuzigiire. Linola somo lyakurhabala ogwarhe eshukrani enene oku lufu lwa Yesu.

1. Gurhe olufu lwa Yesu lwakarhurhabala zene?

Bulala rhuli banyabyaha, rhunajira ebintu binene bigayisize Yehova. Aliko, nka rhuyunvirhe rhubabere, n’okuhema Yehova arhubabalire kugerera Yesu Kristu, rhukanachihangana okwerhu koshi yi rhurhagalukira amola magosa, rhwakaba bera bahofi-hofi na Mungu. (1 Yohana 2:1) Ebiblia ederhere: “Kristu afire liguma na liguma eju y’ebyaha byerhu, omuntu w’okunali eju y’abarhali b’okunali, y’arhuyerekeza emwa Mungu.”​—1 Petro 3:18.

2. Omu mango mayinjire, bichi olufu lwa Yesu nji lwarhumalira?

Yehova arhumaga Yesu ahaane akalamo kage k’omuntu kashinganyanya “yi buli muntu wamuyemera arhalimbulwaga, s’agwarhe akalamo kesiku n’amango.” (Yohana 3:16) Kugerera ebi Yesu ajiraga, hano hofi Yehova amala amaligo moshi malerherwe n’okurhakenga kwa Adamu. K’okuderha oku rhukagwarha obwemere omu nterekero ya Yesu, nji byashobokana rhusiimire akalamo esiku n’amango oku gulu!​—Isaya 65:21-23.

HUMBA BWENENE

3. Olufu lwa Yesu lunarhukula omu chaha n’olufu

VIDEO: Charhumaga Yesu Afa?​—Chigabi cha 1 (2:01)

• Bichi Adamu ahezaga amango afunda kukenga Mungu?

Osome Waroma 5:12, muje mwaganira kw’echila chibazo:

• Nka gurhe echaha cha Adamu chahumire n’okukalamo kawe?

Osome Yohana 3:16, muje muganira kw’echila chibazo:

• Bichi byarhumaga Yehova arhuma omugala oku gulu?

1. Adamu aliri muntu mushinganyanya wabulaga kukenga Mungu, n’echola charhogeza abantu omu chaha n’olufu

2. Yesu aliri muntu mushinganyanya wakengaga Mungu, n’echola chashuba kuha abantu obushobozi b’okuba bashinganyanya n’okulama esiku n’amango

4. Abantu boshi bakayunguka n’olufu lwa Yesu

VIDEO: Charhumaga Yesu Afa?—Chigabi cha 2 (2:00)

• Gurhe abantu boshi bakayunguka n’olufu lwa muntu muguma?

Osome 1 Timoteo 2:5, 6, muje mwaganira kw’echila chibazo:

• Adamu aliri muntu mushinganyanya warhogezaga abantu omu chaha n’olufu. Yesu naye aliri muntu mushinganyanya kuguma nk’oku Adamu aliri. Bobuno si mu bugenda buchi ahaanire “enchugu eyenerene”?

5. Enchungu luli luhembo Yehova akuhere

Buli mwira wa Yehova anabona enchungu oku luli luhembo Yehova amuhere bwage-bwage. Omufano, Osome Wagalatia 2:20, muje mwaganira kw’echila chibazo:

• Nka gurhe entumwa Paulo aliyerekene oku anabona enchungu nka luhembo ahaabirwe bwage-bwage?

Amango Adamu ajiraga echaha, yewe n’oluburho lwage bachibwa echihano ch’olufu. Aliko Yehova arhuma Omugala omu kuntu oshube ogwarhe obushobozi b’okusiimira akalamo esiku n’amango.

Ok’oli wasoma amala mandiko, waza gurhe Yehova akaba aliri achiyunva amango omugala aliri alibuka. Osome Yohana 19:1-7, 16-18, muje mwaganira kw’echila chibzo:

• Gurhe ochiyunvirhe oku bilolere ebi Yehova na Yesu bakujirire?

OKU BUGEKE

Bulala Yesu arhufirire Yehova akababalira ebyaha byerhu, n’echola chirhuhere obushobozi b’okusiimira akalamo esiku n’amango.

Rhuchiyibusye

• Charhumaga Yesu afa?

• Mu njira nchi akalamo ka Yesu k’omuntu kashinganyanya yaliri nchungu eyenerene?

• Bichi olufu lwa Yesu lwakakumalira?

EYINDI MYAZI

Lola bulagurhe akalamo ka Yesu k’omuntu kashinganyanya kayirikirwe inchungu.

“Gurhe Enterekero ya Yesu Yakaba ‘Nchungu ya Banene’?” (Mwazi guli oku jw.org)

Lola ebirhukwanene kujira yi rhuchunguka.

“Yesu anachungula​—Nka Gurhe?” (Mwazi guli oku jw.org)

Yehova akababalira n’ebyaha bikomere si?

“Ebishubizo oku Bibazo bye Biblia” (Omunara g’Omulanzi, Lusiku 1, Mwezi gwa 5, 2013)

Lola gurhe okuyiga oku bilolere enchungu ya Kristu kwarhabalaga mulume muguma ahindamule oborhere bwage.

“Intachiba Muja w’Obubandi” (Mwazi guli oku jw.org)