SOMO LYA 25

Bichi Mungu Arhupangiire?

Echili Emprime

Ebiblia ederhere oku akalamo k’omuntu kaba kayufuhire kanayunjwire mw’emilago.’ (Yobu 14:1) Ka bi Yehova anaba arhulonzeze ebyola? Akaba nanga, bichi si arhupangiire? Ebyapangire nji byanaba si? Lola ebishubizo bye Biblia bihirire omurhima.

1. Kalamo kali gurhe Yehova asimire rhulamage?

Yehova asimire rhugwarhe akalamo kenja koshi kakabaho. Amango alema abantu b’oburhanzi, k’okuderha Adamu na Eva, abahira omu paradizo nyinja bwenene, ebustani ye Edeni. Naho “Mungu abagisha, n’okubabwira: ‘muburhe muyololoke, muyunjuze egulu munalirhegeke.’” (Mwanzo 1:28) Yehova alilonzeze baburhe abana, bajire egulu lyoshi paradizo, banashishikale enyama. Omuhigo gwage gwaliri oku abantu bagwarhe amagala menja banasimire akalamo esiku n’amango.

Chiro akaba ebintu birhagendaga nk’oku alisimire,a ogola mupango gwa Mungu gurhahindamukaga. (Isaya 46:10, 11) Achilonzeze abantu bamukengere balame esiku n’amango omu hali zishinganene.—Osome Ufunuo 21:3, 4.

2. Nka gurhe rhwakagwarha akalamo kenja, kagwerhe echikamalire zene?

Yehova arhulemene “obulagirire bw’ekiroho,” k’okuderha enyorha y’okumumenya n’okumuharamya. (Osome Matayo 5:3-6.) Alonzeze rhugwarhe obwira bwa hofi-hofi naye, “okulambagira omu njira zage zoshi, okumuzigira,” rhunamukolere “n’omurhima [gwerhu] goshi.” (Kumbukumbu 10:12; Zaburi 25:14) Amango rhwamajira ntyo, kweri rhwagwarha obusime chiro rhwakaba rhugwerhe ebibazo. Amango yi rhwaharamya Yehova, rhunachiyunva kw’akalamo kerhu kaherhe echikamalire bula rhulamire nk’oku alonzeze.

HUMBA BWENENE

Jaga walola obuzigire bungana Yehova ayerekanaga amango arhurheganyiza egulu, ayandikisa ne Chinwa chage yi chirhuyigiriza rhugwarhe akalamo kaherhe echikamalire.

Adamu na Eva yibalola ebustani yabo ekwirire bwenene balilamiremo eli mw’ebyasi bishishire n’enyama.

3. Yehova alonzeze abantu bagwarhe akalamo kenja

Ziha EVIDEO, muje mwaganira kw’echila chibazo.

VIDEO: Charhumaga Mungu Alema Egulu?—Akachira (1:41)

Bulagurhe Mungu alemaga eyila planete yerhu nyinja ntya?

Osome Muhubiri 3:11, muje mwaganira kw’echila chibazo:

Bichi ebila bikuyigirize oku bilolere Yehova?

4. Omupango gwa Yehova gurhahindamukaga

Osome Zaburi 37:11, 29 na Isaya 55:11, muje mwaganira kw’echila chibazo:

Bichi birhuyemezeze k’omupango Yehova alirhuherheko gurhahindamukaga?

A. Enju yashandukire. Eshampa yashakambukire, amadirisha mabomokere, n’ahambuga hayunjwire ebintu bishajire bizingire. — Enju yashandukire, yakashuba kukwizwa. Intyo kon’oko, egulu abantu babihizye, Mungu nji ashuba kulikwiziza balala bamuzigiire

B. Eyo nju yen’eyo, yashubire kuyirhulwa, ekwirire bwenene, ezungulukirwe n’epeluze n’amauwa makwirire. — Enju yashandukire, yakashuba kukwizwa. Intyo kon’oko, egulu abantu babihizye, Mungu nji ashuba kulikwiziza balala bamuzigiire

5. Okuharamya Yehova kunarhuma akalamo kerhu kagwarha akachiro

Okumenya omuhigo gw’akalamo kwakarhulerhera obusime. Ziha EVIDEO, muje mwaganira kw’echila chibazo.

VIDEO: Nayiga oku Bilolere Omuhigo gw’Akalamo (5:03)

Nka gurhe Terumi aliyungukire amango ayiga oku bilolere omuhigo gw’akalamo?

Osome Muhubiri 12:13, muje mwaganira kw’echila chibazo:

Bulala Yehova arhukolere bingana ahala, bichi nerhu rhukwanene kuja rhwamujirira?

HALI OWAKABAZA: “Omuhigo gw’akalamo guli guhe?”

Gurhe wakashubiza okubazize ntyo?

OKU BUGEKE

Yehova alonzeze rhusimire akalamo esiku n’amango omu hali zishinganene hanola oku gulu. Amango rhwamamuharamya n’omurhima gwerhu goshi, akalamo kerhu kaba eyikaherhe echikamalire—chiro na zene.