SOMO LYA 21
Gurhe Emyazi Minja Eli Yahubiribwa?
Hanola hofi-hofi, Yehova amala ebibazo byerhu byoshi kugerera Obwami bwage. Ogola mwazi guli gwinja bwenene, birhahemere rhukagubisha abandi. Yesu alilonzeze abanafunzi bage babwire buli yeshi k’obola burhumwa! (Matayo 28:19, 20) Nka gurhe Abahamirizi ba Yehova banayerekana oku bakengere elyola rhegeko lya Yesu?
1. Gurhe olwandiko lwa Matayo 24:14 luli lwayenera zene?
Yesu abaga aderhere: “Eyila myazi minja y’Obwami nji yahubiribwa oku gulu lyoshi lilamirweko.” (Matayo 24:14) Abahamirizi ba Yehova banayunva basimire bwenene okukola akola kasi k’akachiro. Rhuli rhwahubiri emyazi minja omu gulu lyoshi mu ndimi zirhalukire 1 000! Akola kasi kangan’aho kahemere okuchihangana bwenene n’okukapanga bwinja. Na ntako kakayenera buzira burhabale bwa Yehova.
2. Kangana gurhe rhunachihangana yi rhuhubiri abantu?
Rhunahubiri buli hoshi rhwakabona abantu. Kuguma n’Abakristu ba mu myaka 100 ya burhanzi, rhunahubiri “inju oku nju.” (Matendo 5:42) Amahubiri mali nk’amola manarhuma rhwabona amamiliyoni m’abantu rhwaganira nabo buli mwaka. Bulala binagera amango abantu barhabonekana ah’amwababo, echola chinarhuma rhwahubiri n’oku mugarogaro (efasi z’abantu boshi). Amango moshi rhunalonza orozo l’okubwira abandi oku bilolere Yehova n’eby’apangire.
3. Bande bakwanene kuhubiri emyazi minja?
Abakristu b’okuli boshi bashingiizwe akasi k’okubwira abandi oku myazi minja. Rhunafarha bwinja akola kasi rhwahaabirwe. Rhunahubiri okwerhu koshi, nk’oku ehali yerhu yanarhuyemererere bulala rhumenyere ok’okujira ntyo kwakayokola akalamo k’abantu. (Osome 1 Timoteo 4:16.) Intacho rhunalipwa kw’akola kasi bulala Ebiblia ederhere: “Mwahaabirwe oku busha, munahaane oku busha.” (Matayo 10:7, 8) Arhali buli muntu ye nayemera oburhumwa bwerhu. Aliko rhunagenderera kuhubiri bulala rhumenyere oku chili chigabi ch’obuharamye bwerhu, kunasimisa na Yehova.
HUMBA BWENENE
Jaga walola kangana gurhe Abahamirizi ba Yehova banachihangana yi bahubiri omu gulu lyoshi, na gurhe Yehova anarhurhabala.
Okuhubiri omu gulu lyoshi: A) Costa Rica, B) Etats-Unis, C) Benin, D) Thailand, E) Yap, F) Suede
4. Rhunakola bwenene yi rhuhikira abantu boshi
Abahamirizi ba Yehova banajira okwabo koshi yi bahubiri emyazi minja oku bantu ba buli hoshi. Ziha Evideo, muje mwaganira kw’echila chibazo.
Bichi byakusimize oku bilolere okuntu Abahamirizi ba Yehova banajira okwabo koshi yi bahubiri?
Osome Matayo 22:39 na Waroma 10:13-15, muje mwaganira kw’ebila bibazo:
Nka gurhe amahubiri merhu manayerekana oku rhuzigire abaturanyi berhu?
Gurhe Yehova anachiyunva oku bilolere abanahubiri emyazi minja?—Olole omustari gwe 15.
5. Rhuli bakozi banakola haguma na Mungu
Hali byemezo binene biyerekene oku Yehova y’ayerekeza akasi kerhu. Omufano, omu Nouvelle-Zélande mwene-werhu oyirikirwe Paul, abugananaga na mukazi muguma oku mahubiri ma nju oku nju golo liguma ntya. Esezi ly’olola lusiku, oyola mukazi abaga asalirire Mungu, omu kukolesa ezino lyage Yehova, n’okumuhema amurhumire omuntu washambala naye. Paul aderhere “hagerere sa esharhu, nahika ahamwage.”
Osome 1 Wakorinto 3:9, muje mwaganira kw’echila chibazo:
Nka gurhe ebi rhwachibwenere bili nk’ebila byabaga omu Nouvelle-Zélande biyerekene oku Yehova y’ayerekeza akasi k’amahubiri?
Osome Matendo 1:8, muje mwaganira kw’echila chibazo:
Bulagurhe rhukenere oburhabale bwa Yehova yi rhugala kukola bwinja akasi kerhu k’okuhubiri?
Walimenyere si?
Ku buli mbuganano yerhu y’ahagarhi k’eboso, rhunahaabwa amazoezi m’okurhurhabala rhugale kuhubiri. Akaba wachigerere kugera kw’ezola mbuganano, gurhe owazize oku bilolere amola mazoezi?
6. Rhunakenga erhegeko Mungu ahirireho ly’okuhubiri
Mu myaka 100 ya burhanzi abapinzani balilonzeze kubuza abanafunzi ba Yesu kuhubiri. Abakristu ba burhanzi baliri baderhera ehaki yabo y’okuhubiri “omu kuderhera emyazi minja . . . eyemerwe n’esheriya.” (Wafilipi 1:7) Intyo ku n’Abahamirizi ba Yehova banajira zene.a
Osome Matendo 5:27-42, muje mwaganira kw’echila chibazo:
Bulagurhe intacho chakarhubuza kuhubiri?—Olole emistari ya 29, 38, na 39.
HALI OWAKABAZA: “Chirhuma Abahamirizi ba Yehova banagera-gera inju oku nju?”
Gurhe wakashubiza okubazize ntyo?
OKU BUGEKE
Yesu alihere abanafunzi bage akasi k’okuhubiri emyazi minja oku bantu b’amashanja moshi. Yehova ali arhabala abantu bage bagale kukola akola kasi.
Rhuchiyibusye
Nka gurhe emyazi minja yi yahubiribwa omu gulu lyoshi?
Nka gurhe akasi kerhu k’okuhubiri kayerekene oku rhuzigiire abaturanyi berhu?
Owazize kw’akasi k’okuhubiri kakalerha obusime si? Bulagurhe?
EYINDI MYAZI
Lola gurhe Abahamirizi ba Yehova banahubiri abantu omu vile zikulu.
Amahubiri m’oku Mugarogaro Maminuzize omu Vile ye Paris (5:11)
Bichi Abahamirizi ba Yehova bajirire yi barhabala empunzi?
Yunva gurhe mukazi muguma y’aderha okuntu akasi k’amango moshi kamulerhere obusime.
Imperhe Busime Bunene Okubona Nachishogere Akala Kasi (6:29)
Soma oku bilolere eshinja ziguma rhwayazize zarhumire byarhuyorohera okuhubiri emyazi minja.
“Abahubiri b’Obwami yi Basamba oku Tribinale” (Obwami bwa Mungu yi Bwarhegeka!, Sura ye 13)
a Mungu yenyine ye rhuhere akasi k’okuhubiri. Che chirhumire, Abahamirizi ba Yehova barhakenere omuntu wabaha oruhusa yi bahubiri emyazi minja.