HAʻAWINA 3

Pehea ke Ola i Loko o ka Paradaiso?

Ua hāʻawi ʻo Iēhova iā ʻAdamu a me ʻEva i nā mea maikaʻi he nui. Kinohi 1:28

Ma hope o kā Iēhova hana ʻana iā ʻEva, hāʻawi ʻo ia iā ia iā ʻAdamu

Ua hana ʻo Iēhova iā ʻEva, ʻo ia ka wahine mua loa, a hāʻawi akula iā ia iā ʻAdamu i wahine nāna.—Kinohi 2:21, 22.

Ua hana ʻo Iēhova iā lāua me nā noʻonoʻo a me nā kino hemolele, ʻaʻohe puʻu, ʻaʻohe keʻe.

Nānā pono ʻo ʻAdamu a me ʻEva i ko lāua home Paradaiso

Ua noho lāua i loko o kekahi paradaiso i kapa ʻia ka Mahina ʻai ʻo ʻEdena. He wahi nani loa kēlā me kekahi kahawai, nā kumulāʻau hua ʻai, a me nā holoholona.

Ua ʻōlelo ʻo Iēhova iā lāua; inā hoʻolohe lāua, e ola mau loa ana lāua i loko o ka paradaiso ma ka honua.

Ua pāpā ke Akua iā lāua, ʻaʻole e ʻai i ka hua o kekahi kumulāʻau. Kinohi 2:16, 17

Ke kumulāʻau o ka mahinaʻai a Iēhova i pāpā ai iā ʻAdamu a me ʻEva, ʻaʻole e ʻai

Ua hōʻike ʻo Iēhova iā ʻAdamu a me ʻEva i kekahi kumulāʻau hua ʻai i loko o ka mahina ʻai, a haʻi akula iā lāua, inā ʻai lāua i ka hua, e make ana lāua.

Hoʻohana ʻo Sātana ka Diabolō, ʻo ia ka ʻānela ʻino, i kekahi nahesa e ʻōlelo iā ʻEva

Ua kūʻē kekahi ʻānela i ke Akua. ʻO Sātana kēlā ʻānela ʻino, ʻo ia nō hoʻi ka Diabolō.

ʻAʻole i makemake ʻo Sātana iā ʻAdamu a me ʻEva e hoʻolohe iā Iēhova. No laila, ua hoʻohana ʻo ia i kekahi nahesa e haʻi iā ʻEva, inā ʻai ʻo ia i ka hua o kēlā kumulāʻau, ʻaʻole ʻo ia e make ana, akā, e like ana ʻo ia me ke Akua. Akā, he punipuni nō kēlā.—Kinohi 3:1-5.