ʼEkɨ nehɨɨkɨtɨni

Kemɨtiuyuri Felipe

VIDEO: Felipe etíope kiekame pɨtiutaxaatɨa

1. Neuxeiya VIDEO nutsɨ nakaterɨwa Hechos 8:​30, 31. ʼAriketá ʼikɨ ʼiwaurikate neutiʼeiya:

1. ¿Ketiuyuri Felipe mɨtitaxaatakɨ?

2. ¿Títakɨ petiutayɨwe ʼekɨ kenaame ʼaixɨ tiuyuri mɨtiutaxaatsíe tiyurime ʼikɨ ʼukí mɨtitaʼɨkitɨanikɨ?

¿Tita tetehetimamateke Felipe kemɨtiuyuritsíe?

2. Xɨka xeime tetekuxaxaatɨwani taame tehɨɨkɨtɨ, ʼaixɨ tiyumaikame tepayeitɨawe metá matsi waɨkawa pɨtatsiʼuʼeniwe.

Felipe keneutaʼɨki

3. Keneyukuʼɨwiyani. ¿Kemerahɨawe keane pemɨtikuxaxaatɨwa kemɨtiuxaxaatatsíe? ¿Tiyuhekɨ́a ʼakuxi waɨkawa reuxaatamɨkɨ? Xɨka pereutsutɨamɨkɨni Yuútsi Niukieyatsíe petikuxaxaatɨwatɨ pepɨtiʼiwawiyawe: «¿Peramaikai ʼekɨ…?». Xɨka ʼahaamatɨa kareuxaatamɨkɨni, ketineuhayewa.

4. Tineuyukakwewieka. Pepɨkatiʼakuhɨaweni yepauka Yuútsi Niukieyatsíe pemɨtitaxaatɨani. Ketineukakwewieka, ʼarikeké meuyuyehɨakatsíe ketineutaxaatɨa. Heiwa pepɨʼikwewa pemɨtitaxaatɨani hutarieka pemixeiyatsieké.

5. Ketinekuwapani. Heiwa pemɨtikuxaatanitsíe yɨɨkɨ tiʼanetɨ pɨranayeneni waxaatsikatsíe. ʼAyumieme yepauka ketineuwapá kepemɨtixaatɨanikekaitsíe, matsi pɨɨtá tineutaxaatɨa tita heetsíe reuyuʼiyaaritɨa.