Ketineuyukakwewieka

Kemɨtiuyuri Ketsuútsi

VIDEO:Ketsuútsi yuʼiwá pupareewi ʼikakwewietɨ

1. Neuxeiya VIDEO nutsɨ nakaterɨwa Juan 7:​3-5 metá 1 Corintios 15:​3, 4, 7. ʼAriketá ʼikɨ ʼiwaurikate neutiʼeiya:

1. ¿Kemeʼutiyua Ketsuútsi ʼiwamama kepauka niuki ʼaixɨ manuyɨtɨká mɨwarutaxaatɨatsíe?

2. ¿Ketetehamaaté kenaame Ketsuútsi katiuhayewaxɨ yuʼiwá Santiago tikuxaxaatɨwatɨ?

¿Tita tetehetimamateke Ketsuútsi kemɨtiuyuritsíe?

2. Hiipatɨ teuteri waɨkawa mepɨteheutetere niuki ʼaixɨ manuyɨtiká memɨtanakeʼerienikɨ, ʼayumieme peuyewetsé taame temɨteʼuyukakwewieka.

Ketsuútsi keneutaʼɨki

3. Yɨɨkɨ tineuyuri. Xɨka xewitɨ katiyuʼɨkitɨamɨkɨni Yuútsi Niukieyatsíe waɨriyarika pepɨkaʼipitɨaka. Matsi pɨɨtá kepauka pemauyɨweni videos nutsɨ ʼɨkitɨarikate keneuxeiyatsitɨa keane mipareewiwe, mɨretiʼenietɨyanikɨ kehepaɨ tiyuʼɨkitɨani metá mɨkɨ kehepaɨ mɨtipareewiwe.

4. Xeime haamatɨa pepɨkaʼikuʼinɨnɨatani. Meyunaitɨ teuteri yɨɨkɨ mepɨteʼuhú. Xɨka peramaiká xewitɨ ʼanuiwaritsíe nutsɨ niuki pemuyexaatatɨyeikatsíe ʼaixɨ kaʼakuʼaneni Yuútsi Niukieyatsíe mɨtiyutiʼɨkitɨanikɨ, yakatixaɨ yakatinakeʼerieka kemɨtikuʼɨkita Biblia, tineuyuʼiwawiya. ¿Raniere xewitɨ yeiyarika hepaɨtsitana waɨkawa rayeʼatɨ́? ¿Nuiwarieya nutsɨ ʼauriena memɨtitei waɨriyarika meteʼipitɨa? Kenanuyehayewa waɨká tuukaari mɨretiʼenietɨyanikɨ tita heetsíe xemɨteʼutixá metá mɨpaɨ Yuútsi Niukieya nakeʼerietɨ payaní tsiere kemɨtikuʼɨkita.

5. Jehová ketineutixaatɨa heetsiena mieme. Jehová ketineutawawiri ʼanenewierikatsíe keʼatsipareewieka peyutemawietɨ pemɨtiʼɨkitanenikɨ, tsiere ʼaixɨ yari pemɨwarahɨawenikɨ metá Yuútsi hetsɨa keneuʼatanenewi pemɨretimanikɨ kepauka pemɨtihayewa xeime peʼiwatanetɨ waɨkawa mɨkareumaimɨkɨkɨ (1 Cor. 9:26).