Mga Miting sa Serbisyo para sa Hunyo
Semana sang Hunyo 7-13
10 min: Lokal nga mga pahibalo kag pinili nga Mga Pahibalo gikan sa Ang Aton Ministeryo sa Ginharian. Interbyuha ang pila nga nag-auxiliary payunir sang Abril kag Mayo kag nagaplano sa pagpadayon subong mga regular payunir ukon sa pagpasangkad sang ila auxiliary payunir nga hilikuton.
15 min: “Dayawa ang Dios sang Pagpanuga.” Pamangkot kag sabat nga pagtuptop sang artikulo. Pahandaa sing abanse ang huwaran nga mga pamatan-on sa pagsugid sang mga eksperiensia gikan sa mga publikasyon nga ginsambit sa parapo 4, kag ang isa pa ka manugbantala sa pagsugid sang eksperiensia nga ginsambit sa parapo 5. Palig-una ang tanan sa paggamit sang Creation nga libro sa tanan nga okasyon sa Hunyo kag sa pagpasad sing sadsaran para sa pagduaw liwat diin ginpakita ang matuod nga interes.
20 min: “Mga Presentasyon nga Nagapukaw sing Interes.” Hambali upod sa tumalambong kon paano iaplikar ang mga panugda sa inyo lokal nga teritoryo. Maghimos sing duha ukon tatlo ka realistiko, nahanda sing maayo nga mga pasundayag, nga nagagamit sang mga ideya nga ginhatag sa mga parapo 3 tubtob 5 sang artikulo.
Ambahanon 104 kag nagatakop nga pangamuyo.
Semana sang Hunyo 14-20
10 min: Lokal nga mga pahibalo. Mga eksperiensia nga natigayon sining karon sa paggamit sing Creation nga libro. Nakasugod bala sing pagtuon sa Biblia ang madamong manugbantala? (Dapat ini ihanda sing abanse.)
20 min: “Mangin Mapasibusibuon sa Inyo Ministeryo.” Pamulongpulong upod ang pagpakigbahin sang tumalambong. Ilakip ang duha ka malip-ot nga mga pasundayag kon nagahinun-anon sang parapo 3-5. Kon nagapasundayag sang punto sa parapo 4 kag 5, ipakita kon paano ang may mas edad nga manugbantala kag ang isa nga mas batan-on sarang makaupdanay sa pamalaybalay nga pag-alagad subong sang ginbalay sa artikulo. Ipadaku ang kinahanglanon sa pagsapo sing kalipay sa ministeryo walay sapayan sang mga resulta.
15 min: Ginapatawad Bala sang Dios ang Aton mga Sala? Ang duha ka gulang nagahanda para sa isa ka pagduaw sa pagbantay. Ginahambalan nila kon paano buligan ang isa ka utod nga lalaki nga ginatublag gihapon sang nagligad nga mga sala kag nagapalibog kon bala ginpatawad na sia sang Dios. Ang mga gulang nagarepaso sang materyal sa Reasoning nga libro, pahina 81-4, kag subong man sang Insight nga libro, Tomo I, pahina 861-2. Ginabinagbinag nila ang ila kinahanglanon nga pakig-angutan sing malulo ining utod kag ipadaku ang kaluoy kag kahanda ni Jehova sa pagpatawad. Ginaplano man nila nga ipadaku ang pagkakinahanglanon sang personal nga panikasog sa bahin sang utod; indi bastante ang pagtu-ad lamang. Ang mga gulang magatanyag nga duawon sa tion kag tion ang utod, nga nagatatap paagi sa espirituwal nga bulig.
Ambahanon 214 kag nagatakop nga pangamuyo.
Semana sang Hunyo 21-27
10 min: Lokal nga mga pahibalo, lakip ang report sa kwenta kag mga pasalamat sa amot. Dayawa ang kongregasyon tungod sa pinansial nga pagsupurta sa lokal nga kongregasyon subong man sa bug-os kalibutan nga hilikuton sang Sosiedad. Patuhuyi sing malip-ot ang artikulo nga “Indi mga Manuglibod sang Pulong sang Dios” sa Disiembre 1, 1992, pahina 26-9 nga Lalantawan agod ipakita ang lainlain nga mga paagi nga ang katawhan ni Jehova nagasakdag sa hilikuton sang Ginharian.
20 min: “Pat-ura nga Magduaw Liwat.” Pamangkot kag sabat nga paghinun-anon. Ihatag ang nahanda sing maayo nga pasundayag nga nagatuptop sang impormasyon nga ginbinagbinag sa parapo 6. Ipadaku nga kinahanglan duawon liwat ang mga interesado nga nasugilanon sang maaga nga bahin sang bulan.
15 min: Lokal nga mga kinahanglanon. Ukon pamulongpulong sang gulang sa “Ngaa Kahapos Gid Magbinutig?” sa Disiembre 15, 1992, nga guwa sang Ang Lalantawan, pahina 21-3.
Ambahanon 54 kag nagatakop nga pangamuyo.
Semana sang Hun. 28–Hul. 4
5 min: Lokal nga mga pahibalo. Mga Balita Teokratiko. Pahanumduma ang mga kauturan nga magreport sing maaga sa katapusan sang Hunyo kag magkuha sing suplay sang Pinakabantog nga Tawo nga libro para sa tanyag nga literatura sa Hulyo.
15 min: “Mga Pamatan-on—Malantipon nga Tuytuyi ang Inyo mga Tikang.” Pamangkot kag sabat nga pagtuptop sa materyal. Pagkatapos sang parapo 3, magpasundayag sing malip-ot tuhoy sa mas batan-on nga manugbantala nga nagapangabay sa may mas edad nga updan sia sa pagguwa sa latagon. Ang may mas edad malipayon nga nagapasugot kag nagapanugda nga repasuhon nila ang mga presentasyon antes mangabudlay sing magkaupod.
15 min: Ang Importansia sang Espirituwalidad sang Pamilya. Pamulongpulong sang gulang. Hambali ang pagkakinahanglanon sing pagbinagbinag sang pamilya sa adlaw-adlaw nga teksto, pagbalay kon paano ini himuon sa idalom sang lainlain nga mga kahimtangan kag mga iskedyul sang pamilya. Ipadaku man ang pagkakinahanglanon sang pagpangamuyo sang pamilya sa dimagkubos makaisa sa isa ka adlaw. Mahimo ini himuon bag-o magtulog. Maaplikar man ang kaanggid nga prinsipio sa nabahinbahin nga mga panimalay, isahanon sing ginikanan nga mga pamilya, kag mga pamilya nga wala sing anak. Ang paghanda sang pamilya may daku man nga bahin sa pagtigayon sing kapin pa gikan sa mga miting sa kongregasyon kada semana kag sa pagpabakod man sa pagtuo sang iban.—Heb. 10:23-25.
10 min: “Born Again.” Reasoning nga libro, pahina 76-80. Pasundayag sang duha ka manugbantala nga nakasugilanon sa isa ka tawo samtang nagapamalaybalay nga namangkot, “Natawo na bala kamo liwat?” Ang mga manugbantala nagasabat sa isa sang mga paagi nga ginpanugda sa pahina 79-80. Pagkatapos, ang mga manugbantala nagahinun-anon sang pagduaw liwat nga nagagamit sang mga punto gikan sa mga kasulatan sa parapo 1-3 sa pahina 78.
Ambahanon 223 kag nagatakop nga pangamuyo.