Mga Pahibalo

◼ Tanyag nga literatura sa Agosto: Mahimo matanyag ang bisan ano nga brosyur; apang mas maayo kon pirme magdala sing Ginapatuman nga brosyur agod nga makahigayon sa pagsugod sing mga pagtuon sa Biblia. Septiembre: Itanyag ang libro nga Ano Gid ang Ginatudlo Sang Biblia? Panikasugi nga makasugod sing mga pagtuon sa Biblia sa una nga pagduaw. Kon may yara na sini nga libro ang tagbalay, ipakita kon paano sila makabenepisyo sa sini paagi sa malip-ot nga pagpasundayag sing isa ka pagtuon sa Biblia. Oktubre: Itanyag ang Lalantawan kag Magmata! Kon interesado, ipakita kag binagbinaga ang tract nga Luyag Mo Bala Madugangan ang Imo Nahibaluan sa Biblia? upod ang tulumuron nga makasugod sing pagtuon sa Biblia. Nobiembre: Itanyag ang Magtuon Gikan sa Daku nga Manunudlo nga libro. Kon magsiling sila nga wala sila sing kabataan, itanyag ang Magpadayon sa Pagbantay! nga brosyur.

◼ Ang kada kongregasyon makabaton sing duha ka kopya sang Congregation Analysis Report (S-10) nga nalakip sa pasalamat sa mga donasyon para sa Hunyo. Sulatan sang sekretaryo sang kongregasyon ini nga pormas sing sibu kag mahipid, pagkatapos dapat ini usisaon sing maayo sang komite sang pag-alagad. Sa likod sini nga pormas, ilista ang tanan nga regular payunir, ilista man ang ila kabilugan nga oras sa bug-os nga tuig sang pag-alagad. Ang orihinal sini nga pormas dapat ipadala sa sanga talatapan sa Septiembre 6, 2007. Tipigi ang isa ka kopya para sa inyo kongregasyon.

◼ Dapat ipadala na subong sa sanga talatapan ang mga order para sa Pag-usisa sa Kasulatan sa Adlaw-adlaw—2008 kag ang 2008 Calendar. Ipadala namon ang pinasahi nga pormas para sa sini upod sa kuenta sa Hunyo. Kon madamo nga kongregasyon ang nagagamit sang isa lang ka Kingdom Hall, tipunon ang mga order sang tagsa ka kongregasyon sang manugpahituhog sang literatura kag tingubon sa isa ka pormas kag dapat mapadala ini sa sanga talatapan sa Agosto 15, 2007.