Iskedyul sa Miting sa Serbisyo

Semana sang Septiembre 8

Ambahanon 204

10 min: Lokal nga mga pahibalo. Maghanda sa pagtanyag sing bag-o nga mga magasin. Ipasundayag kon paano itanyag ang Septiembre 1 nga Ang Lalantawan kag ang Septiembre nga Magmata! nga nagagamit sang mga panugda sa pahina 4 ukon sang iban nga presentasyon nga bagay sa inyo teritoryo.

15 min: Buligi ang mga Estudyante sa Biblia nga Mangin mga Manunudlo. Pamulongpulong pasad sa Enero 15, 2007, nga Ang Lalantawan, pahina 29-30, parapo 14-20.

20 min: Paglandas sa Pag-ihig-ihig sa Aton Ministeryo. Pamulongpulong sang gulang, pasad sa impormasyon gikan sa aton mga publikasyon kon paano mahimo maapektuhan sang pag-ihig-ihig ang aton ministeryo. Ipaathag kon paano naton malandas inang pag-ihig-ihig. Kon kaisa, ang aton paggawi may daku gid nga epekto agod indi mag-ihig-ihig sa aton ang mga tagpanilag kag mabuligan sila nga mangin mabinatunon sa kamatuoran. Gani importante gid nga bantayan naton ang aton mga panghambal kag paggawi sa tanan nga tion. (1 Ped. 2:12; 3:1, 2) Pangabaya ang tumalambong nga magsaysay sang lokal nga mga eksperiensia nga nagapakita nga ang pag-ihig-ihig sarang malandas.

Ambahanon 127

Semana sang Septiembre 15

Ambahanon 94

10 min: Lokal nga mga pahibalo. Pinili nga Mga Pahibalo gikan sa Ang Aton Ministeryo sa Ginharian.

20 min: Ano ang Nahimo Naton sang Nagligad nga Tuig? Pamulongpulong kag paghinun-anon upod sa tumalambong sang manugtatap sang pag-alagad. Repasuha ang nahimo sang kongregasyon sang nagligad nga tuig sang pag-alagad, nga nagakonsentrar sa makapalig-on nga mga nahimuan sa ministeryo. Maghatag sing nagakaigo nga komendasyon. Hinambiti ang isa ukon duha ka punto nga mahimo pauswagon sang kongregasyon sa masunod nga tuig sang pag-alagad, kag maghatag sing praktikal nga mga panugda para sa pag-uswag.

15 min: Paano Ko Mapangapinan ang Akon Pagpati sa Pagpanuga? Pamulongpulong pasad sa Septiembre 2006 nga Magmata!, pahina 26-28. Pakomentuha ang tumalambong kon paano nila ginpangapinan ang ila pagpati sa pagpanuga samtang yara sa eskwelahan, sa trabaho, ukon sa iban pa nga lugar.

Ambahanon 51

Semana sang Septiembre 22

Ambahanon 104

10 min: Lokal nga mga pahibalo. Basaha ang report sa kuenta kag ang mga pasalamat sa donasyon. Binagbinaga ang sulat sang sanga nga makita sa pahina 1.

20 min: May Padya ang Imo Pagpanghikot. Pamulongpulong pasad sa Abril 15, 2005, nga Ang Lalantawan, umpisa sa pahina 28, parapo 5, tubtob sa katapusan sang pahina 29.

15 min: Maghanda sa pagtanyag sang Oktubre 1 nga Ang Lalantawan kag Oktubre nga Magmata! Ipasundayag kon paano itanyag ang kada magasin paagi sa paggamit sang sampol nga mga presentasyon sa pahina 4.

Ambahanon 190

Semana sang Septiembre 29

Ambahanon 45

10 min: Lokal nga mga pahibalo. Pahanumduma ang mga manugbantala nga ihatag ang ila report sa pag-alagad sa latagon para sa Septiembre.

15 min: Lokal nga mga kinahanglanon.

20 min: “Pinasahi nga Kampanya sa Tract Oktubre 20–Nobiembre 16!”a Kon nabaton na ninyo ang mga tract, hatagi sing tig-isa ka kopya ang tanan nga tumalambong. Kon nagabinagbinag sang parapo 2, repasuha sa makadali ang kaundan sining tract. Kon nagabinagbinag sang parapo 4, ipasundayag kon paano itanyag ining tract. Kon nagabinagbinag sang parapo 5, ipapasundayag sa isa ka manugbantala kon paano gamiton ang tract sa pagsugod sang isa ka pagtuon sa Biblia sa pagduaw liwat.

Ambahanon 9

Semana sang Oktubre 6

Ambahanon 15

10 min: Lokal nga mga pahibalo.

15 min: “Pamangkot.” Paghinun-anon upod sa tumalambong. Ilakip ang impormasyon sa Hunyo 15, 2005, nga Ang Lalantawan, pahina 20-22, parapo 10-16.

20 min: “Tudlui ang Iban nga Higugmaon si Jehova.”b Kon ginatugot sang tion, agdaha ang mga tumalambong nga magkomento sa ginsambit nga mga teksto.

Ambahanon 132

[Nota]