Vajtswv Cov Tibneeg Muaj Kev Thaj Yeeb

1. Peb cia li qhuas Yehauvas,

Tus Vajtswv thaj yeeb.

Nws yuav tshem tsov rog kom tas,

Thiaj muaj kev nyab xeeb.

Leej Tub Thaj Yeeb yog Khetos,

Tus muaj siab mos muag.

Thaum kev limhiam nws yeej hlo,

Kev thaj yeeb peb muaj.

2. Peb tso tseg lus chim lus xaiv,

Kev chawj chim ploj hlo.

Muab ntaj riam los ntaus ua khais,

Kev tsov rog tu nrho.

Yuav kom peb muaj kev thaj yeeb,

Peb yuav tau sib zam.

Thov coj lub neej sib haum xeeb,

Li Yexus pab yaj.

3. Yog tias xyaum kev ncaj ncees tiag,

Yuav muaj kev thaj yeeb,

Yog lub tswvyim Vajtswv qhia,

Rau cov thov thiab ntseeg.

Cia peb ua neeg nyob haum xeeb,

Rau lwm tus tau coj.

Txog hnub lub Nceeg Vaj kav neeg

Yuav thaj yeeb txhua qhov.