ZAJ NKAUJ 52
Muab Koj Tus Kheej Cob Rau Vajtswv
(Henplais 10:7, 9)
1. Rau qhov Yehauvas yog tus tsim
Lub qab ntuj loj tshaj plaws.
Lub ntiajteb, lub ntuj yog nws li,
Yog nws ob txhais tes rhawv.
Txojsia txoj pa nws tau muab rau
Txhua yam uas nws tau tsim.
Nws thiaj li tsim nyog tus sawvdaws qhuas,
Kev pe hawm yeej yog nws li.
2. Yexus tau ua kevcai raus dej
Kom txoj kevcai muaj tiav.
Nws txo hwjchim thov Vajtswv tias:
‘Kuv ua raws koj siab nyiam.’
Nws tawm hauv dej Yaladee los
Leej Tub Vajtswv xaiv cia,
Nws yuav npuab siab hlo mloog Vajtswv lus,
Raws li nws tau cog lus tiag.
3. Peb los cuag koj, Tswv Yehauvas
Los qhuas koj lub npe loj.
Peb txo hwjchim muab peb tus kheej
Muab lub neej cob rau koj.
Koj pub koj tib leeg tub rau peb,
Los txhiv peb kim kawg li.
Peb yuav tsis ua neej raws peb siab nyiam,
Ciaj tuag peb hawm koj ib txhis.
(Rho ntawm Mth. 16:24; Mk. 8:34; Lk. 9:23.)