Lus Tshaj Tawm

◼ Yuav tseb phau ntawv twg? Peb Hlis: Phau Vajlugkub Qhia Txog Dabtsi Tiag? Thaum koj xub ntsib ib tug twg, nug seb nws puas xav kawm Vajlugkub. Yog nws twb muaj phau ntawv lawm thiab tsis kam kawm, ces nug seb nws puas xav tau ib phau ntawv qub, xws li The Watchtower lossis lwm phau ntawv. Plaub Hlis thiab Tsib Hlis: Phau The Watchtower thiab Awake! Yog tias tus tswv tsev xav paub ntxiv ces muab daim ntawv Koj Puas Xav Paub Qhov Tseeb? rau nws thiab nrhiav kev los nrog nws kawm Vajlugkub. Tej zaum muaj ib co tuaj koom ua kevcai nco txog Yexus txojkev tuag, lossis lwm yam kev sib txoos, tiamsis lawv ho tsis koom nrog lub koom txoos. Thaum koj mus xyuas lawv, nrhiav kev los nrog lawv kawm phau ntawv Vajlugkub Qhia. Rau Hli: Phau Vajlugkub Qhia Txog Dabtsi Tiag? Thaum koj xub ntsib ib tug twg, nug seb nws puas xav kawm Vajlugkub. Yog nws twb muaj phau ntawv lawm thiab tsis kam kawm, ces nug seb nws puas xav tau ib phau ntawv qub, xws li The Watchtower lossis lwm phau ntawv.

◼ Peb yuav ua kevcai nco txog Yexus, rau Hnub Plaub (Thursday), lub Plaub Hlis, tim 5, 2012. Yog tias nej lub koom txoos txeev siv hnub ntawd tuaj sib txoos ua ke, ces thov muab pauv rau lwm hnub. Yog pauv tsis tau, zoo rau nej muab cov lus qhia uas phim nej lub koom txoos, ncua rau lwm zaus uas muaj Kev Kawm Ua Vajtswv Tes Num los tau.

◼ Tshuav tsis ntev xwb peb yuav kawm txog ob daim yeeb yaj kiab hu ua, Young People Ask​—How Can I Make Real Friends? thiab Young People Ask​—What Will I Do With My Life? Ob zaj no yog npaj los pab cov tub ntxhais hluas. Yog tias cheem tsum tau ob daim yeeb yaj kiab no, hais kom cov kwvtij thov Npe-ee xa tuaj.