Vajtswv Thiab Yexus Yuav Cawm Peb Dim

Nej tabtom ntsib yam kev sim siab twg? Nej puas yog tus los tab lub cuab lub yig? Nej puas yog ib txhais yim npab khwv los koob nej lub cuab lub yig? Nej puas yog ib tug hluas raug luag ua saib tsis taus tom tsev kawm ntawv? Nej puas yog ib tug neeg muaj mob muaj nkeeg? Los puas yog nej lub cev ntaug zuj zus lawm? Nyias yeej muaj nyias ib txojkev nyuaj siab ntxhov plawv. Peb tos ntsoov hnub Yehauvas yuav muab txhua yam kev nyuaj siab ntxhov plawv tshem.​—2 Kauleethaus 4:16-18.

Cheem tseem tsis tau txog hnub ntawd, Yehauvas paub tias txawm peb nyuaj nyuaj siab los peb siv zog teev tiam nws. Yehauvas tos tsis hnyu yuav kho txhua yam. (Yelemis 29:11, 12) Txawm Yexus los nws yeej tos tsis hnyu yuav pab peb. Nws thiaj cog lus tseg cia hais tias: “Kuv yuav nrog nraim nej.” (Mathais 28:20) Yog peb zaum tsaws xav zoo zoo txog lub neej tom hauv ntej thaum Vajtswv lub tsoom fwv los kav ntiajteb, ces peb yuav peem kam tiag kom dhau tej kev sim siab uas peb raug.​—Loos 8:19-21.

SAIB ZAJ YEEB YAJ KIAB YUAV MUAJ KEV TXOM NYEM, TIAMSIS NTSIA NTSOOV YEXUS!​—TEJ KOOB HMOOV THAUM LUB NCEEG VAJ KAV, TOM QAB SAIB TAG NUG LI NO:

• Vim li cas tibneeg thiab Vajtswv tsis sib raug zoo lawm, thiab tom qab ntawd ho muaj dabtsi tshwm sim?

• Cov muaj lub siab xib rau Yehauvas yuav tau lub neej zoo li cas?

• Vim li cas peb ho muaj taus txojkev vam kev cia siab?

• Koj tos ruj rwg txog dabtsi thaum muab lub ntiajteb kho dua tshiab?