Kev Nyuaj Siab Yeej Muaj Hnub Xaus

Yog peb raug kev nyuaj siab ntev dhau lawm yeej ua rau peb qaug zog. Tiamsis yog peb xav txog Daviv, nws txojkev ntseeg pab tau nws ua siab ntev tos Yehauvas. Nws paub tias muaj ib hnub tej kev phem uas Xa-ules ua rau nws yeej yuav xaus thiab nws yeej yuav tau ua Vajntxwv raws li Vajtswv cog tseg. (1 Xamuyees 16:13)

Txawm peb raug kev nyuaj siab los peb yeej ua tau ib tug neeg ntse thiab siv peb lub laj lim tswvyim los pab peb. (1 Xamuyees 21:12-14; Pajlug 1:4) Tiamsis tej thaum peb twb ua raws li phau Vajlugkub hais los peb tseem ntsib kev nyuaj siab thiab. Thaum muaj li no, peb yuav tau ua siab ntev tos Yehauvas. Tsis ntev xwb nws yuav rhuav tshem tej kev txom nyem thiab yuav “so txhua ncos kua muag.” (Tshwmsim 21:4, TT ) Txawm Yehauvas yuav daws peb tej teeb meem tamsim no thiab tsis daws los peb paub tias muaj ib hnub peb tej kev nyuaj siab yeej yuav xaus. Qhov no yuav pab tau peb ua lub siab tus.

SAIB ZAJ YEEB YAJ KIAB TXAWM LUAG SIB NTXUB LOS PEB SIB HLUB, TOM QAB SAIB TAG TEB COV LUS NUG NO:

• Cov kwvtij nkauj muam nyob qab teb Amelikas (United States) raug tej yam twg?

• Cov kwvtij nkauj muam ua li cas qhia tias lawv muaj kev hlub thiab ua tau lub siab ntev?

• Cov kwvtij nkauj muam ua li cas qhia tias lawv tau hau ntsoov rau yam uas tseem ceeb dua ntais?​—Filipis 1:10