LUB 10 HLI TIM 20-26
TEJ LUS QHIA 9-10
Hu Zaj Nkauj 30 Thiab Thov Vajtswv | Tos Txais (1 feeb)
1. Thaum Raug Kev Sim Siab, Nco Ntsoov Tej No
(10 feeb)
Tej kev sim siab uas peb raug tsis yog vim hais tias Yehauvas tsis txaus siab rau peb (Tej Lus Qhia 9:12; w17.02 31 ¶4)
Nyob hauv Xatas lub qab ntuj no peb paub tias peb yuav raug kev tsis ncaj ncees (Tej Lus Qhia 10:7; w19.09 5 ¶10)
Yehauvas pub ntau yam rau peb kom peb muaj kev zoo siab xyiv fab, yog li ntawd siv sij hawm mus ua tej ntawd, tab txawm peb tab tom muaj kev nyuaj siab (Tej Lus Qhia 9:7; w15 8/1 10 ¶4)
2. Tshawb Nrhiav Tej Lus Nyiaj Lus Kub
(10 feeb)
Tej Lus Qhia 9:5—Ua li cas rau cov uas tuag lawd? (lff zaj kawm 29 lub ntsiab me 1)
Thaum nyeem Vajlugkub lub lim tiam no, koj tshawb nrhiav pom li cas?
3. Nyeem Cov Nqe Vajlugkub
(4 feeb) Tej Lus Qhia 10:1-20 (th zaj kawm 11)
4. Pib Nrog Luag Tham
(3 feeb) TSHAJ TAWM RAU TEJ CHAW UAS MUAJ NEEG COOB DUA KEV. Tham nrog ib tug uas nyob mluas mlob. (lmd zaj kawm 3 lub ntsiab me 4)
5. Pib Nrog Luag Tham
(4 feeb) QHIA VAJLUGKUB THAUM MUS UB MUS NO. Nws qhia rau koj tias nws txhawj tsam nws khwv tsis txaus noj txaus haus. Muab ib lub ntsiab ntawm “Tej Uas Peb Nyiam Qhia Heev” uas nyob ntawm ntu cov lus qhia ntxiv 1 hauv phau Hlub Tib Neeg los txhawb nws lub zog. (lmd zaj kawm 4 lub ntsiab me 4)
6. Pab Lawv Los Ua Thwj Tim
(5 feeb) lff zaj kawm 17 koj kawm tau dab tsi, rov tham dua, thiab koj xav xyaum yam twg. (lmd zaj kawm 12 lub ntsiab me 3)
Hu Zaj Nkauj 47
7. Yehauvas Yuav Pab Koj Thaum Koj Raug Xwm Txheej Nthawv Nthav
(15 feeb) Lus qhuab qhia thiab lus teb.
Txhua txhua hnub, yeej muaj ntau yam los raug peb. Tiam sis thaum muaj xwm txheej nthawv nthav los raug peb, yuav ua rau peb ntxhov siab hnyo, tsis pom qab yuav ua li cas. Thaum koj raug li no, koj yuav ua li cas xwb? Thiab leej twg thiaj pab tau koj?
Nco ntsoov tias peb yog neeg xwb, ces peb ua tsis tau txhua yam. (Pajlug 11:2) Yog li ntawd, tso siab rau Vajtswv Yehauvas, rau qhov nws yog tus uas yuav pab kom koj “nyob ruaj khov” thaum koj raug xwm txheej phem. (Yaxayas 33:6) Thaum koj raug ib txoj kev ntxhov siab nthawv nthav, cia li siv sij hawm los tshawb nrhiav tswv yim seb koj yuav ua li cas. Muab sij hawm los nyob twj ywm, ua tib zoo xav, thiab hlub tshua koj tus kheej. (Tej Lus Qhia 4:6) Tsis tas li ntawd xwb, siv sij hawm mus nrog cov uas koj hlub tshua nyob ua ke.
Yehauvas kuj muab cov kwv tij nkauj muam rau peb kom peb thiaj tau kev txhawb zog thiab. Yog li ntawd, tsis txhob ntshai thov kev pab los ntawm lawv. Lawv yeej hlub tshua koj thiab xav pab koj kawg li.
Nyeem 2 Kauleethaus 4:7-9. Ces nug li no:
Txawm yuav nyuaj npaum li cas los, yog vim li cas peb yuav tsum rau siab ntso mus koom tej kev sib txoos, mus tshaj tawm txoj xov zoo, thiab nyeem phau Vajlugkub tsis tu ncua?
Tso zaj YEEB YAJ KIAB Yehauvas Nyob Ze Cov Uas Tag Kev Cia Siab. Ces nug li no:
Yehauvas pab ob niam txiv no li cas?
Cov kwv tij nkauj muam pab nkawd li cas?
Nkawd tus qauv puas txhawb tau koj?
8. Lub Koom Txoos Kev Kawm Vajlugkub
(30 feeb) lff zaj kawm 26 lub ntsiab me 5-7, koj kawm tau dab tsi, rov tham dua, thiab koj xav xyaum yam twg