NTU 9

Thaum Twg Mam Li Muaj Lub Vaj Kaj Siab?

Tej xwm no ua pov thawj tias lub Nceeg Vaj yuav los kho lub ntiajteb. Luka 21:10, 11; 2 Timaute 3:1-5

Thaum txog lub sijhawm kawg, yuav muaj kab mob kev nkeeg, kev tshaib kev nqhis, neeg yuav twv nyiaj twv txiaj, ua tsov rog, tsis mloog niam txiv lus, thiab ua nruj ua tsiv hauv lub cuab lub yig

Phau Vajlugkub qhia tias tiam uas peb nyob no neeg yuav ntshaw nyiaj txiag, tsis mloog niam txiv lus, muaj lub siab heev, thiab nyiam kev lomzem heev dua li nyiam Vajtswv.

Yuav muaj av qeeg loj, kev tsov kev rog, kev tshaib kev nqhis, thiab muaj mob kis rau ntau qhov. Tej no tabtom muaj tshwm sim tiag.

Yehauvas ib tug Timkhawv tshaj tawm txoj xov zoo txog lub Nceeg Vaj rau ib tug txivneej

Yexus kuj hais tias yuav muab txoj xov zoo txog lub Nceeg Vaj tshaj tawm thoob plaws lub ntiajteb.—Mathai 24:14.

Lub Nceeg Vaj yuav rhuav tshem tag nrho tej kev limhiam. 2 Petus 3:13

Tsis ntev tom ntej no Yehauvas yuav rhuav tshem tag nrho cov limhiam.

Xatas thiab cov dab yuav raug txim.

Yexus zaum saum nws lub zwm txwv, ntau haivneeg zoo siab heev

Cov uas mloog Vajtswv lus yuav dim, thiab lawv yuav tau nyob hauv ib lub qab ntuj tshiab uas ncaj ncees. Tibneeg yuav tsis txhawj tsis ntshai, tiamsis lawv yuav sib hlub thiab nyob tso siab plhuav.