ZAJ NKAUJ 29
Ua Lub Neej Kom Phim Peb Lub Npe
(Yaxaya 43:10-12)
1. Vajtswv Yehauvas muaj hwjchim loj kawg nkaus,
Muaj kev hlub kev ncaj uas zoo tas txhua fab.
Lub laj lim tswvyim thiab qhov tseeb yog koj li,
Ntuj ceeb tsheej los kuj yog koj ua tus kav.
Peb yog koj haiv neeg txaus siab ua koj tes num;
Zoo siab qhia lub Nceeg Vaj qhov tseeb tsis tseg.
(TXAIS)
Ua koj cov Timkhawv yog txoj koob hmoov zoo tshaj.
Cia peb ua lub neej kom phim peb lub npe!
2. Peb koom tes ua koj tes haujlwm uas dawb huv,
Peb thiaj li muaj kev hlub kev sib haum xeeb.
Qhia koj qhov tseeb thiab koj lub meej mom nto moo
Ua rau peb zoo siab qhuas koj lub koob meej.
Leej Txiv Yehauvas, peb sawv cev koj lub npe,
Yog ib txoj koob hmoov tau qhuas koj tsis tseg.
(TXAIS)
Ua koj cov Timkhawv yog txoj koob hmoov zoo tshaj.
Cia peb ua lub neej kom phim peb lub npe!
(Rho ntawm Kc. 32:4; Nt.Nk. 43:3; Dny. 2:20, 21.)