Taug Nraim Nrog Vajtswv!

1. Taug nraim nrog Vajtswv txo siab mos,

Nyiam txojkev hlub thiab qhov yog.

Nrog nraim Yehauvas tso siab plhuav rau nws,

Nws yeej yuav txhawb tau koj zog.

Puag nkaus nws Txojlus rau koj nruab siab,

Koj thiaj nyob taus ruaj khov.

Cia Vajtswv coj rawv koj hau kev,

Kav tsij xyaum mloog nws lus hlo.

2. Taug nraim nrog Vajtswv coj siab dawb

Thiab xav qhov zoo rau nruab siab.

Txawm kev sim siab luaj npaum nkaus li hau roob,

Nws yeej yuav pab koj nyiaj tiag.

Nco ntsoov xyaum tej yam uas Vajtswv qhuas,

Khaws nkaus txhua yam tseeb cia.

Rau siab ntso muab coj los ceev tseg,

Vajtswv yeej tsis ncaim koj kiag.

3. Taug nraim nrog Vajtswv coj luag ntxhi,

Zoo siab koj nrog nws raug zoo.

Ua Yehauvas tsaug rau tej nws pub koj

Ces nws yeej yuav foom koob hmoov.

Nrog Vajtswv raug zoo thiaj nyob tus yees,

Koj yuav seev yees tej roob.

Txhua tus yuav pom koj coj luag ntxhi,

Pom meej Vajtswv saib koj ntsoov.