ZAJ KAWM 1

Xub Hais Tej Lus Raug Siab

Ttx. 17:22

LUB NTSIAB LUS: Thawj yam uas koj hais yuav tsum ua rau luag xav paub ntxiv. Qhia koj lub ntsiab kom meej thiab pab kom luag pom tias tsim nyog ua tib zoo mloog.

XYAUM LI NO:

Tham kom luag xav paub ntxiv. Thaum koj pib qhia tej zaum koj yuav nug txog ib yam dabtsi, tham txog ib tug qauv twg, lossis piav ib zaj xov xwm uas ua rau neeg xav paub ntxiv.

Ua tib zoo xav ua ntej seb cov neeg uas koj qhia nyiam kawm txog dabtsi, thiab lawv tabtom txhawj txog dabtsi. Hloov tej uas koj xub hais kom phim lawv.
Tham meej txog koj lub ntsiab. Cov lus uas koj xub hais yuav tsum qhia meej tias koj lub ntsiab lus thiab koj lub hom phiaj yog li cas tiag.
Qhia kom lawv pom tias lub ntsiab ntawd tseem ceeb. Yoog cov neeg uas koj qhia. Lawv yuav tsum pom tseeb tias lub ntsiab koj qhia yeej pab tau lawv lub neej, lawv thiaj xav mloog.

Thaum koj tabtom npaj lus qhuab qhia xav li no, ‘Cov kwvtij nkauj muam hauv kuv lub koom txoos tabtom raug kev nyuaj siab li cas?’ Cov lus uas koj xub hais yuav tsum phim lawv thiab raug lawv siab.