ZAJ KAWM 8

Txawj Ua Lus Piv Txwv Qhia

Mathai 13:34, 35

LUB NTSIAB LUS: Piav tej lus piv txwv uas yoojyim, cov uas koj qhia thiaj xav mloog thiab to taub cov ntsiab lus tseem ceeb.

Piav tej lus piv txwv uas yoojyim. Yexus tsuas muab tej yam uas tibneeg niaj hnub pom los ua piv txwv xwb. Nws kuj muab tej yam nyuaj nyuaj piav kom yoojyim, tibneeg thiaj to taub. Siv tej lus piv txwv uas yuav raug lub ntsiab xwb. Yog koj piav ntev piav ntau tej yam uas tsis tseem ceeb, cov uas koj qhia yuav txais tsis raug lub ntsiab.

Saib tej uas nyob puag ncig koj seb puas muaj tej yam zoo siv los ua lus piv txwv. Nrhiav hauv tej ntaub ntawv uas lub koom haum luam tawm. Ua tib zoo mloog cov uas txawj qhia Vajlugkub. Yog muaj tej lus piv txwv uas koj nyiam, muab khaws cia. Yog koj ua li no yuav pab tau koj hajyam txawj qhia.
Xav txog cov uas koj qhia. Lawv nyiam ua dabtsi? Lawv khwv noj khwv haus li cas? Muab tej no los ua piv txwv thiaj raug lawv siab. Tsis txhob hais tej yam uas yuav siab lawv lossis ua rau lawv txaj muag.
Zaj lus piv txwv yuav tsum raug ntsiab. Yog koj zaj lus piv txwv tsis txhawb lub ntsiab loj, cov uas koj qhia yuav cim tau zaj lus piv txwv xwb tiamsis cim tsis tau lub ntsiab. Yog li ntawd, qhia tsi ntsees rau cov ntsiab lus xwb, txhob piav txog tej uas tsis tseem ceeb.