Xam Pom Lwm Tus

Yexus Coj Li Cas?

YEEB YAJ KIAB: Yexus Thiab Tus Poj Niam Ntawm Lub Qhov Dej

1. Saib zaj YEEB YAJ KIAB, los sis nyeem Yauhas 4:6-9. Tom qab ntawd, tham txog ob lo lus no:

1. Ua ntej Yexus nrog tus poj niam Xamalis tham, Yexus pom nws ua dab tsi?

2. Yexus hais tias: “Thov ce me ntsis dej rau kuv haus.” Ua li, Yexus puas maj qhia txog kev pe hawm rau tus poj niam?

Peb Kawm Tau Li Cas Los Ntawm Yexus?

2. Yuav yooj yim dua rau tib neeg nrog peb tham pem yog peb xub tham txog tej uas lawv nyiam.

Xyaum Yexus

3. Paub yoog lwm tus. Txhob xav txog tej zaj uas koj npaj mus hais xwb. Tiam sis xav seb tus neeg ntawd txhawj txog tej yam twg, ces pib tham txog tej ntawd. Ua tib zoo xav li no:

1. Ib ntus no muaj xov xwm dab tsi?

2. Cov neeg zej zog, cov neeg tom hauj lwm, cov me nyuam tom tsev kawm ntawv niaj hnub tham txog dab tsi xwb?

4. Txawj saib ib ncig. Ua tib zoo xav li no:

1. Tus uas koj nrog tham ntawd tab tom ua dab tsi xav dab tsi? Nws puas nyuaj siab dab tsi?

2. Ua tib zoo saib tus tswv tsev seb nws coj li cas, hnav khaub ncaws li cas, yog haiv neeg twg, ua li nws lub tsev ne puas qhia tau li cas txog nws? Nws puas tseem coj kev cai dab qhuas? Los yog nws twb lawb dab lawm?

3. Ua li, peb puas mus tom thawj rau lub sij hawm zoo?

5. Ua tib zoo mloog.

1. Txhob tham ntau ntau.

2. Cia tus tswv tsev tham ntau xwb, kom nws thiaj kam qhia siab. Yog zoo nug li cas los mam nug ntxiv.