Ua Qauv Qhia

Lub 6 Hli: Pib Kawm Vajlugkub Nrog Tibneeg Thawj Hnub 6

“Txhua tus uas peb ntsib yeej xav tau kev thaj yeeb. Txawm li ntawd los tseem muaj kev tsov kev rog qees. Koj xav yog vim li cas thiaj tsis muaj kev thaj yeeb?” Cia nws teb tas tso. Nthuav mus rau sab kawg nkaus hauv phau The Watchtower lub 6 Hli tim 1, kawm thawj lo lus nug thiab nyeem ib ob nqes Vajlugkub uas nyob rau sab ntawd. Muab phau The Watchtower thiab phau Awake! rau nws, thiab teem sijhawm rov mus kawm lo lus nug 2 rau lwm zaus.

Nco ntsoov: Ua ib qho yeeb yam qhia txog tus qauv no rau lub 6 Hli tim 1 thaum sawvdaws sib txoos mus qhia Vajlugkub.

The Watchtower Lub 6 Hli Tim 1

“Peb tuaj ncig xyuas cov kwvtij neej tsa uas nyob ntawm no, tuaj tham txog ib qho teeb meem uas raug peb sawvdaws. Peb coob tus yeej tau raug kev tsis ncaj ncees uas cov neeg xaiv ntsej muag tau ua. Koj xav hauv ntiajteb no puas yuav muaj ib qho chaw twg uas tsis muaj cov neeg xaiv ntsej muag li? [Cia nws teb tas tso.] Kuv xav nyeem ib nqes Vajlugkub rau koj seb Vajtswv coj li cas. [Nyeem Tubtxib Tes Haujlwm 10:34.] Phau ntawv no qhia tias Vajtswv yuav muab cov uas xaiv ntsej muag rhuav tshem tu noob nrho mus.”

Awake! Lub 6 Hli

“Kuv xav nug koj seb koj xav li cas txog qhov no. Peb txhua tus yeej xav tau lub neej vam meej xwb, puas yog? Ua li lub neej zoo puas yog qhov uas muaj txhua tsav txhua yam? [Cia nws teb tas tso.] Saib seb Yexus tau hais li cas txog qhov no. [Nyeem Luka 12:15.] Phau ntawv no pab kom peb tsis txhob muab tej qhov txhia chaw saib rau nqe dhau thiab yuav pab kom peb txawj txuag nyiaj txiag.”