Rau Siab Mus Pib Kawm Vajlugkub Nrog Tibneeg Thawj Hnub 6
Pib lub 5 Hlis xyoo 2011, lub koom haum tau txhawb kom txhua lub hlis cov tshaj tawm mus pib kawm Vajlugkub nrog tibneeg thawj hnub 6. Vim li no, lub koom haum thiaj tau npaj ib zaj los pab kom cov tshaj tawm txawj mus pib kawm Vajlugkub nrog tibneeg. Zaj no yuav muaj nyob rau txhua phau The Watchtower uas luam mus tseb rau ib zej tsoom sawvdaws. Lub ntsiab rau zaj ntawd hu ua “Bible Questions Answered” (“Lus Nug Thiab Lus Teb Txog Phau Vajlugkub”). Yog li ntawd, thaum mus sib ntsib rau thawj hnub 6, yuav tsum tham thiab ua ib qho yeeb yam txog zaj no.
Cov txwj laus mam ua cov txiav txim seb sawvdaws yuav sib ntsib mus qhia Vajlugkub ua ib ke tom Tsev Nceeg Vaj rau thawj hnub 6, lossis nyias mam li ntsib nrog nyias pawg xwb. Yog muaj ntau lub koom txoos siv lub Tsev Nceeg Vaj sib ntsib mus qhia Vajlugkub rau thawj hnub 6, tsis txhob muab hnub uas mus pib kawm Vajlugkub ntawd ncua rau lwm hnub, tiamsis nyias mam li ntsib nrog nyias pawg.