Siv Peb Lub Vej Xaij (Web Site) Los Qhia Koj Cov Menyuam
1. Ntu “Children” pab tau cov niam txiv thiab menyuam li cas?
1 Peb lub Vej xaij, jw.org, yog tsim los pab txhua leej txhua tus, tsis hais tus laus tus hluas tus hlob tus yau tibsi. Muaj ib ntu hu ua “Children” (mus rau Bible Teachings > Children) uas yuav pab kom cov menyuam thiab cov niam txiv sib raug zoo thiab kuj pab kom lawv muaj kev sib raug zoo nrog Yehauvas. (Kc. 6:6, 7) Koj yuav siv lub ntsiab no los pab koj cov menyuam li cas?
2. Koj yuav xaiv tej yam twg los qhia thiaj haum koj cov menyuam?
2 Yuav Tau Yoog: Tej menyuam nyias nyiam nyias ib yam. (1Khl. 13:11) Yog li ntawd, koj yuav ua li cas thiaj qhia raug koj cov menyuam siab, tus hlob tus yau tibsi? Koj yuav tau xav li no: Kuv cov menyuam nyiam dabtsi? Lawv to taub zoo npaum li cas? Ib zaug twg lawv kawm taus ntev npaum li cas? Siv tej zaj uas nyob rau lub ntsiab “My Bible Lessons” (“Kuv Kawm Phau Vajlugkub”) los qhia cov menyuam uas muaj 3 xyoos rov hauv. Muaj tej yim ho nyiam siv tej zaj ntawm lub ntsiab “Teach Your Children” (“Cob Koj Cov Menyuam”) los qhia lawv cov menyuam. Koj kuj siv tau tej uas hais nram qab no los qhia koj cov menyuam thiab.
3. Cov niam txiv yuav siv tej duab uas nyob rau lub ntsiab “Family Worship Projects” los qhia lawv cov menyuam li cas?
3 Family Worship Projects: Muaj dua ib lub ntsiab hu ua “Family Worship Projects.” Lub ntsiab no muaj cov twj uas cov niam txiv siv tau los qhia, hmo uas tsev neeg pe hawm Vajtswv ua ke. Xub theej tawm (download) cov lus qhia “Parents’ Guide” thiaj paub siv tej twj ntawd thiab tej duab los qhia menyuam. Thaum qhia cov yau, siv cov duab (picture activities), xws li cov duab rau menyuam zas kob, los qhia. Thiab cov menyuam uas hlob zog qhia kom lawv txawj siv lwm cov duab (study activities) los kawm. Ib lub ntsiab twg yeej muaj duab rau cov hlob cov yau kawm tibsi. Txawm nyias kos nyias ib daim duab los, sawvdaws yeej kawm txog tib lub ntsiab xwb.
4. Lub ntsiab “Become Jehovah’s Friend” muaj dabtsi?
4 Become Jehovah’s Friend: Muaj dua ib lub ntsiab hu ua “Become Jehovah’s Friend.” Cov yeeb yaj kiab, cov nkauj, thiab tej yam uas nyob rau hauv lub ntsiab no pab kom cov niam txiv paub qhia Vajtswv Txojlus rau lawv cov menyuam uas tseem yau. (Kc. 31:12) Ib zaj yeeb yaj kiab twg, txawm yog luv luv xwb los yeej qhia tau ib yam tseem ceeb rau cov menyuam xyaum. Cov duab (activities), uas qhia kom menyuam nrhiav ub nrhiav no (search-and-find), pab kom cov menyuam yim huab to taub lub ntsiab txog zaj yeeb yaj kiab. Tej menyuam nyiam hu nkauj heev thiab tej nkauj ntawd pab menyuam cim tau tej uas lawv twb kawm tas lawd. Vim li ntawd, yuav muab tej nkauj uas hais txog lub Nceeg Vaj thiab cov nkauj uas sau rau cov menyuam tso rau hauv peb lub Vej xaij tsis tu ncua rau cov menyuam tau mloog.
5. Vim li cas cov niam txiv yuav tsum thov Yehauvas pab lawv qhia qhov tseeb rau lawv cov menyuam?
5 Cov niam txiv, Yehauvas xav kom nej txawj qhuab qhia nej cov menyuam. Yog li ntawd, nej yuav tau thov Yehauvas pab nej qhia qhov tseeb rau lawv. (C.Th. 13:8) Yehauvas yeej yuav pab nej cob qhia nej cov menyuam, lawv thiaj “muaj tswvyim paub txojkev dim vim ntseeg Yexus Khetos.”—2Tmt. 3:15; P.L. 4:1-4.