Ib Zaj Los Pab Peb Ua Vajtswv Tes Num
1. Zaj A Conversation With a Neighbor (Nrog Ib Tug Neeg Zej Zog Tham) yuav pab peb ua Vajtswv tes num li cas?
1 Muaj tej lub hlis, phau The Watchtower uas tseb tawm rau sawvdaws muaj ib zaj hu ua A Conversation With a Neighbor (Nrog Ib Tug Neeg Zej Zog Tham). Zaj no yuav pab peb ua Vajtswv tes num li no: 1) yuav pab kom peb qhia Vajlugkub raug tibneeg siab; thiab 2) pab kom peb txawj teb tibneeg tej lus nug. (1Pt. 3:15) Peb yuav muab zaj no siv li cas?
2. Peb yuav siv zaj no mus qhia Vajlugkub li cas?
2 Siv Zaj No Mus Ua Vajtswv Tes Num: Koj yuav tau muab ob peb phau The Watchtower uas muaj zaj no khaws cia. Yog thaum twg ib tug tswv tsev, ib tug uas nyiam Vajlugkub, lossis ib tug uas kawm Vajlugkub nug txog tej uas twb muaj nyob hauv ib zaj lawm, cia li muab 1 phau rau nws. Thiab koj kuj nug seb nws puas xav kom koj piav zaj ntawd rau nws. Yog koj tsis muaj phau The Watchtower uas muaj zaj ntawd, koj mus theej tau hauv jw.org/en.
3. Peb yuav siv zaj no nrog ib tug tswv tsev tham li cas?
3 Koj yuav siv zaj no mus nrog lwm tus tham li cas? Ib txhia tau hais kom tus neeg uas nrog nws tham ntawd nyeem tus neeg zej zog cov lus ces nws mam nyeem tus Timkhawv cov lus. Yog peb siv li no los nrog nws tham, yuav pab tau nws zoo dua rau qhov nws yuav tsis ntshai nrog peb tham txog peb txojkev ntseeg.
4. Peb siv tau zaj no los pab peb tus kheej li cas?
4 Siv Zaj No Los Pab Koj Tus Kheej Thiab Lwm Tus: Thaum koj nyeem zaj no, cim tej nqe Vajlugkub, tej piv txwv, thiab cov lus hais nyob rau zaj ntawd cia. Koj yuav tsum paub seb cov lus nyob rau zaj ntawd yog tham mus seem twg. Yog koj cim tej no, koj yuav txawj siv zaj no los pab lwm tus thaum koj mus qhia Vajlugkub. (P.L. 1:5; 9:9) Muaj ib tug muam tau hais li no, “Thaum kuv nyeem zaj no, zoo nkaus li ib tug tho kev uas txawj txawj qhia Vajlugkub thiab paub teb txhua yam uas tibneeg nug txog tabtom qhia kuv ntag.”
5. Peb yuav pab li cas kom cov kawm Vajlugkub txawj mus ua Vajtswv tes num?
5 Koj kuj siv tau cov qauv no los pab kom cov uas kawm Vajlugkub txawj mus ua Vajtswv tes num. Nyeem ib zaj ua ke es cia nws nyeem tus Timkhawv cov lus nyob rau hauv zaj ntawd. Yog koj ua li no, yuav pab kom cov kawm Vajlugkub txawj piav tej uas lawv ntseeg rau lwm tus. (Khx. 4:6) Vajtswv Yehauvas muaj ntau txojkev los pab peb “ua peb tes haujlwm kom tiav huvsi.” Zaj no yog ib txojkev los pab peb ua nws tes num kom tiav.—2Tmt. 4:5.