Ua Qauv Qhia

Lub 1 Hlis: Pib Kawm Vajlugkub Nrog Tibneeg Thawj Hnub 6

“Tibneeg feem coob nyias yeej xav nyias lawm ib yam txog Vajtswv. Muaj tej txhia xav tias tsis muaj leejtwg paub tau Vajtswv. Lwm cov kuj hais tias Vajtswv yog ib leej txiv uas muaj kev hlub heev. Koj xav, Vajtswv zoo li cas tiag?” Cia nws teb tas tso. Nthuav mus rau sab kawg nkaus hauv phau The Watchtower lub 1 Hlis tim 1, kawm thawj lo lus nug thiab nyeem ib ob nqes Vajlugkub uas nyob rau sab ntawd. Muab phau The Watchtower thiab Awake! rau nws, thiab teem sijhawm rov mus kawm lo lus nug 2 rau lwm zaus.

The Watchtower Lub 1 Hlis Tim 1

“Peb tuaj nrog sawvdaws tham txog ib yam uas tau raug peb txhua tus, yog thaum ib tug yus hlub tau tas sim neej. Thaum muaj li ntawd ua rau yus mob siab tshaj plaws li, puas yog? [Cia nws teb tas tso.] Thaum muaj li ntawd, coob leej pom tias nqe Vajlugkub no nplig tau lawv siab heev. [Nyeem Yaxaya 25:8.] Phau ntawv no qhia txog txojkev cia siab hauv phau Vajlugkub uas Vajtswv tau cog tseg tias nws yuav tshem kev ploj kev tuag, thiab yuav tsa cov neeg yus hlub sawv rov los ua neej dua.”

Awake! Lub 1 Hlis

“Niaj hnub no muaj ntau tsav ntau yam los raug lub cuab lub yig, koj puas pom li ntawd thiab? [Cia nws teb tas tso.] Nqe Vajlugkub no qhia tias tsev neeg yuav ua li cas es lub cuab lub yig thiaj nyob ruaj khov. [Nyeem Paj Lug 24:3.] Coob leej yeej tso siab rau tej lus hauv phau Vajlugkub. Phau ntawv no qhia txog ib lub Vej xaij uas muaj ntau yam ntaub ntawv Vajlugkub yuav pab tau lub cuab lub yig.”