Tej Uas Pab Kom Peb Txawj Ua Vajtswv Tes Num—Siv Phau Vajtswv Muaj Xov Zoo Rau Peb! Mus Pib Kawm Vajlugkub Ntawm Taw Rooj
Vim Li Cas Ho Tseem Ceeb: Yuav kom peb coj tau tibneeg los ua Yexus cov thwjtim, peb yuav tsum paub qhia Vajtswv Txojlus. (Mth. 28:19, 20) Yog peb siv cov twj uas lub koom haum tau muab rau peb ces peb yuav txawj qhia qhov tseeb rau lwm tus. Phau Vajtswv Muaj Xov Zoo Rau Peb! yog ib phau uas sau los pab peb qhia qhov tseeb rau lwm tus. Thawj zaug uas peb ntsib ib tug tswv tsev twg, peb siv tau phau no los pib kawm Vajlugkub nrog nws ntawm taw rooj.
Xyaum Li No Rau Lub Hli No:
Thov Yehauvas pab kom koj muaj lub siab xav kawm Vajlugkub nrog ib tug. Tsis tas li ntawd xwb, thov nws pab kom koj nrhiav tau ib tug uas xav kawm Vajlugkub thiab pab kom koj txawj qhia qhov tseeb.—Flp. 2:13.
Thaum koj tsev neeg pe hawm Vajtswv ua ke lossis thaum koj kawm Vajlugkub koj ib leeg, siv lub sijhawm ntawd los xyaum kom tau tus qauv uas nyob hauv lub ntsiab me. Yog koj ua li no, koj yuav tham tau kub siab lug thiab tsis ntshai mus pib kawm Vajlugkub nrog tibneeg ntawm taw rooj.