Koj Puas Paub Siv Cov Qauv Lus?

Txij lub 1 Hlis xyoo 2018 los, phau Lub Neej Thiab Tes Haujlwm Khixatia muaj cov qauv lus. Ua li, koj puas paub siv cov qauv lus ntawd?

Thaum Koj Ua Yeeb Yam Qhia Saum Sam Thiaj: Zoo rau koj siv lo lus nug, nqe Vajlugkub, thiab lo lus nug ntxiv hauv cov qauv lus. Kuj muaj tej yeeb yaj kiab uas qhia seb yuav tseb li cas. Tiamsis koj tsis tas ua raws nraim li zaj yeeb yaj kiab ntawd. Xws li, yog koj xav hloov cov lus thiab qhov chaw koj mus qhia los yeej tau. Tsis tas li ntawd, yog koj xav tseb ib phau ntawv hauv Cov Twj Mus Ua Vajtswv Tes Num los haj yam zoo.

Thaum Koj Mus Tshaj Tawm: Lub koom haum tsim muaj cov qauv lus los pab koj mus tshaj tawm. Yog tias koj ntsib ib tug uas xav kawm Vajlugkub ces thaum koj rov mus xyuas nws, siv cov qauv lus. Nco ntsoov tias yog koj xav hloov qho lo lossis xav tham txog lwm lub ntsiab los nyob ntawm koj. Yog tias lwm lub ntsiab lossis lwm nqe Vajlugkub ho raug tibneeg siab dua no los koj kuj siv raws li koj pom zoo los yeej tau. Tsis tas li ntawd, ua tib zoo xav seb hauv koj thaj tsam, cov tibneeg nyiam tham txog dabtsi. Puas yog lawv kheev tham txog tej xov xwm hauv xov tooj cua lossis hauv this vis? Txawm tias koj yuav siv cov qauv lus li cas los, nco ntsoov ‘ua txhua yam kom txojmoo zoo nrov ncha mus thoob txhua qhov.’​—1 Kauleethaus 9:22, 23.