Tsis Txhob Mus Muab Lus Xaiv Piav Rau Lwm Tus

Niaj hnub no, tibneeg tshaj tau moo nrawm kawg li vim lawv siv xov tooj cua, this vis, ntaub ntawv, thiab Is Taws Nej. Vim peb teev tiam tus Vajtswv uas nyiam qhov tseeb, peb yuav tsum ceev faj tsam peb ho muab tau tej yam tsis tseeb coj mus piav qhia rau luag lwm leej lwm tus. (Phau Ntawv Nkauj 31:5, TT; Khiav Dim 23:1) Tsis tas li ntawd, yuav tsim ntau yam teeb meem yog tias ib tug hais dhau ib tug txog tej yam tsis muaj tseeb. Yog li ntawd, thaum koj hnov txog ib yam dabtsi, ua tib zoo xav li no:

• ‘Puas tsim nyog kuv ntseeg nws tej lus?’ Tej zaum tus hais twb tsis paub meej txog zaj ntawd. Thaum ib tug hais dhau ib tug ces tej lus twb hloov mus hloov los lawm. Yog li ntawd, thaum koj tsis paub tias nws pib qhovtwg tuaj ces ua tib zoo saib xyuas kom tseeb tseeb tso. Cov dhia haujlwm hauv lub koom txoos los kuj yuav tsum ua tib zoo saib seb puas muaj tseeb tiag ua ntej qhia rau lwm tus

• ‘Tej lus ntawd puas yog hais dag txog lwm tus?’ Yog tias yam uas koj hnov ntawd yuav ua rau lwm tus lub koob lub npe puas, ces yuav zoo dua rau koj tsis txhob hais ntxiv rau tom ntej.​—Pajlug 18:8, TT; Filipis 4:8

• ‘Tej uas lwm tus hais ntawd puas txaus ntseeg?’ Tsis txhob rawm maj ntseeg yog tias cov lus nws piav ntawd muaj ceem heev

SAIB ZAJ YEEB YAJ KIAB TSIS TXHOB UA IB TUG NEEG TAUG XAIV, TOM QAB NTAWD NUG LI NO:

• 

  Pajlug 12:18 hais tias tej lus xaiv muaj peevxwm ua tau li cas?

• 

  Filipis 2:4 yuav pab peb li cas yog tias peb yuav hais dabtsi txog lwm tus?

• 

  Thaum muaj neeg hais tsis zoo txog lwm tus, peb yuav tsum coj zoo li cas?

• 

  Peb yuav tau xav li cas ua ntej peb pib hais txog luag lwm tus?