Yehauvas Qhuab Ntuas Tus Nws Hlub

Thaum ib tug twg qhuab ntuas, twb yog nws xav kom peb tau lub neej zoo, los yog nws pom peb yuam kev lawm es rov rub peb los ua qhov ncaj. Yog li ntawd, thaum Yehauvas qhuab ntuas peb, twb yog nws xav qhia kom peb txawj pe hawm nws. (Loos 12:1; Henplais 12:10, 11) Thaum ib tug qhuab ntuas peb, mas yeej tsiv tsiv mloog kawg li. Tiamsis yog peb mloog tej lus ntawd, yuav tsav tau peb lub neej thiab peb yuav tau Yehauvas tej koob hmoov. (Pajlug 10:7) Yog tias peb qhuab ntuas lwm tus lossis peb ho yog tus lwm tus qhuab ntuas, ua zoo xav li no.

Tus ntuas. Cov txwj laus, cov niam cov txiv, thiab lwm tus yuav tau xyaum Yehauvas thiab maj mam xav maj mam hais. (Yelemis 46:28) Txawm koj hais hnyav ncawv los, nco ntsoov xav txog tus koj qhuab ntuas ntawd.​—Titus 1:13.

Tus mloog. Thaum lwm tus qhuab ntuas peb, txhob rawm maj ntsaws pob ntseg, tiamsis qhib siab lug txais yuav lawv tej lus. (Pajlug 3:11, 12) Peb yeej ua yuam kev tas zaj tas zog vim peb muaj lub txim txhaum. Tiamsis peb muaj phau Vajlugkub, tej kev sib txoos lossis cov txwj laus los pab peb ua qhov ncaj qhov yog. Yog peb tig ntsej mloog, yuav pab kom peb tau txojsia mus ib txhis.​—Pajlug 10:17.

SAIB ZAJ YEEB YAJ KIAB ‘YEHAUVAS QHUAB NTUAS TUS UAS NWS HLUB.’ TOM QAB SAIB TAG, TEB COV LUS NUG NO:

• 

  Thaum xub thawj tus kwvtij lub neej zoo li cas, tiamsis ntev mus ntev tuaj ho hloov li cas lawm?

• 

  Yehauvas qhuab ntuas pab tau tus kwvtij li cas?

• 

  Zaj yeeb yaj kiab no pab tau nej li cas?