Txawj Sib Hlub Sib Pab Hauv Lub Cuab Lub Yig

Kev hlub yuav khi tau tsev neeg los nyob ua ke. Yog tsis txawj sib hlub ces nyias yuav fee nyias lawm ib qho. Ob niam txiv yuav tau sib koom siab li cas tsev neeg thiaj txawj sib hlub sib pab?

Niam mloog txiv qhuab, txiv mloog niam qhia. (Efexus 5:28, 29) Tus txiv yog tus ntaus thawj hlo saib nws tsev neeg kom muaj txaus noj txaus haus thiab saib xyuas nws tsev neeg txojkev ntseeg. Nws yuav tau saib ntshis kom nws tsev neeg kawm Vajlugkub ua ib tse. (1 Timautes 5:8) Tus niam yuav tau hwm nws tus txiv. (Efexus 5:22, 33; 1 Petus 3:1-6) Nkawd yuav tau ib leeg sib zam txim rau ib leeg. (Efexus 4:32) Ob niam txiv yuav tau sib txuas lus nrog ib tug menyuam zuj zus thiab qhia Yehauvas rau nws. (2 Kevcai 6:6, 7; Efexus 6:4) Zoo rau ob niam txiv paub seb cov menyuam ntsib kev nyuaj siab dabtsi tom tsev kawm ntawv. Yog sawvdaws txawj sib hlub sib pab ces txhua leej txhua tus yuav nyob kaj siab lug tso siab plhuav.

SAIB ZAJ YEEB YAJ KIAB YEEJ MEEM HLUB KOJ TSEV NEEG. TOM QAB SAIB TAG, TEB COV LUS NUG NO:

• 

  Tus txiv tsev xam pom nws tus pojniam li cas?

• 

  Tus niam hwm nws tus txiv li cas?

• 

  Ob niam txiv siv Vajtswv Txojlus los cob qhia nkawd cov menyuam li cas?