Txom Txom Nyem Los Tso Siab Rau Yehauvas

Lub neej nyob rau tiam kawg no yeej nyuaj heev, thiab txhua yam tsuas yuav nyuaj zuj zus ntxiv tuaj lawm xwb. Tej lub sij hawm peb yuav tsis muaj txaus noj txaus siv. (Hanpakus 3:16-18) Txawm li ntawd los peb yuav tau tso siab plhuav rau peb tus Vajtswv. Nws twb cog lus lawm tias nws yuav saib xyuas cov uas pe hawm nws, thiab nws yeej yuav pab peb rau txhua txoj ke.​—Phau Ntawv Nkauj 37:18, 19; Henplais 13:5, 6.

Dab tsi yuav pab tau koj:

• Taij thov Yehauvas kom nws pub tswv yim rau koj, coj koj txoj kev thiab txhawb koj lub zog.​—Phau Ntawv Nkauj 62:8

• Txhob xaiv hauj lwm. Tej zaum koj yuav tau ua tej txog hauj lwm uas koj tsis tau ua dua.​—g-E 1/10 8-9, lub ntsiab me

• Nyeem Vajtswv Txoj Lus txhua txhua hnub tsis tseg, mus kev sib txoos, thiab rau siab ntso mus tshaj tawm

SAIB ZAJ YEEB YAJ KIAB TSA LUB TSEV KHOV KHO—“TXAUS SIAB RAU TEJ UAS NEJ MUAJ,” TOM QAB SAIB TAG TEB COV LUS NUG NO:

• Ob tse neeg no muaj kev nyuaj siab li cas?

• Dab tsi yog yam uas tseem ceeb tshaj plaws hauv peb lub neej?

• Peb ua tau li cas los pab cov uas txom nyem?