Yuav Siv Cov Yeeb Yaj Kiab Kawm Vajlugkub Li Cas

Peb muaj plaub zaj yeeb yaj kiab kawm Vajlugkub uas peb siv tau thaum mus tshaj tawm txoj xov zoo. Ua li, yuav siv cov yeeb yaj kiab no li cas?

• 

  Kawm Vajlugkub Ua Dab Tsi?​—Zaj Ntev yog ua los pab tib neeg, txawm lawv yuav ntseeg txoj kev ntseeg twg los xij, kom lawv xav paub ntxiv txog phau Vajlugkub. Yog lawv xav paub txog tej yam xws li vim li cas tib neeg txawj laus txawj tuag los zaj no yuav txhawb kom lawv tshawb nrhiav hauv phau Vajlugkub, thiab qhia me ntsis tias phau Vajlugkub hais li cas. Ntxiv ntawd, yog lawv xav kawm Vajlugkub, lawv yuav rau npe li cas.

• 

  Kawm Vajlugkub Ua Dab Tsi? (zaj luv) muaj ntsis zoo li zaj ntev tiam sis tsuas yog luv dua xwb. Zaj no zoo siv rau cov uas tsis xyeej sij hawm.

• 

  Kev Kawm Vajlugkub Zoo Li Cas? yog ua kom tib neeg paub tias kev kawm Vajlugkub zoo li cas thiab yuav rau npe kawm li cas.

• 

  Zoo Siab Tos Txais Koj Los Kawm Vajlugkub yog ua los pab cov kawm Vajlugkub. Zaj no muaj nyob ntawm sab ob hauv phau ntawv Nyob Kaj Siab Lug Mus Ib Txhis. Thaum siv phau ntawv me Nyob Kaj Siab Lug Mus Ib Txhis, peb yeej tso tau zaj yeeb yaj kiab no los qhia lawv tias yuav kawm phau no li cas.

Txawm cov yeeb yaj kiab no ua los qhia sib txawv me ntsis los, peb yeej tso tau los sis xa tau mus rau tib neeg saib. Cov tshaj tawm yuav tsum ua tib zoo saib cov yeeb yaj kiab no kom lawv thiaj paub siv coj mus qhia rau tib neeg.