Koj Puas Muab Phau Vajlugkub Tso Mloog?

Cov suab kaw hauv phau Vajlugkub yog dab tsi? Cov suab kaw hauv phau Vajlugkub yog los ntawm phau Vajlugkub Vajtswv Txoj Lus Rau Cov Nyob Lub Qab Ntuj Tshiab. Peb maj mam tso tawm ua ntau yam lus zuj zus. Thaum peb kaw, peb siv ntau tus neeg los kaw cov suab. Lawv yeej ua cov suab kom los phim tias tus neeg ntawd tab tom raug dab tsi, ua dab tsi, nyuaj siab los sis zoo siab.

Ua cas ib txhia ho nyiam mloog phau Vajlugkub kaw ua suab? Coob tus uas nquag mloog phau Vajlugkub pom tias thaum lawv mloog, cuag li lawv nyob kiag ntawd. Tsis tas li ntawd, thaum lawv hnov ib lub suab tag hnov dua lwm tus lub, ua rau lawv pom tias muaj dab tsi tshwm sim, thiab lawv yim huab to taub cov lus hauv phau Vajlugkub. (Pajlug 4:5) Muaj coob tus hais tias thaum lawv mloog phau Vajlugkub ua suab, kuj daws tau lawv txoj kev txhawj xeeb.​—Phau Ntawv Nkauj 94:19.

Yog peb hnov Vajtswv Txoj Lus nyeem tuj taws yeej yuav pab tau peb lub neej heev. (2 Xwmtxheej Vajntxwv 34:19-21) Yog tias twb muab phau Vajlugkub kaw ua suab ua koj yam lus lawd, tsis hais kaw ib nrab los sis kaw tag nrho, koj puas muab mloog tas li los txhawb koj txoj kev ntseeg?

SAIB ZAJ YEEB YAJ KIAB MUAB PHAU VAJLUGKUB KAW UA SUAB​—SAIB IB VUAG, TOM QAB NTAWD NUG LI NO:

Koj nyiam dab tsi txog qhov uas muab phau Vajlugkub kaw ua suab?