Ib Txhia Lub Neej

Muaj Lub Siab Hmov Tshua Txhua Tus

Muaj ib hnub, ib tug muam nyob teb chaws Nus Xivleem (New Zealand) saib ib zaj yeeb yaj kiab hauv lub vej xaij jw.org uas piav tias Yehauvas yeej ua qhia tias nws hmov tshua lwm tus tiag tiag. (Yaxayas 63:7-9) Tom qab ntawd, nws thiaj li xyaum ua li Yehauvas es nrhiav kev los pab lwm tus. Hnub ntawd thaum nws mus tom khw, nws pom ib tug poj niam thov khawv ces nws thiaj li hais tias nws mam li yuav ib qho mov rau tus poj niam ntawd noj. Thaum tus muam yuav mov rov los txog, nws kuj cev qhov mov rau tus poj niam thiab nws kuj tau qhia me ntsis Vajlugkub rau tus poj niam ntawd. Nws thiaj muab daim ntawv hu ua Kev Txom Nyem Puas Yuav Muaj Hnub Kawg? rau tus poj niam.

Tus poj niam txawm ua kua muag si laim. Tus poj niam ntawd piav tias nws yeej ib txwm paub Yehauvas thaum tseem yau tuaj tiam sis ob peb xyoos dhau los no nws tau tso Yehauvas tseg. Tsis ntev tas los no, nws tau thov Yehauvas kom Yehauvas pab nws rov qab los ntseeg Yehauvas dua. Tus muam tau muab ib phau Vajlugkub rau tus poj niam ntawd thiab teem sij hawm kawm Vajlugkub nrog nws.a

Cia peb xyaum Yehauvas es hmov tshua lwm leej lwm tus, txawm yuav yog tej txheeb ze los sis cov kwvtij nkauj muam hauv peb lub koom txoos. Tsis tas li ntawd, yog tias peb qhia Yehauvas rau lwm tus ces qhia tias peb hmov tshua lawv.