Vim Li Cas Nej Pheej Rov Mus Nrog Cov Uas Muaj Ib Txoj Kev Ntseeg Tham?

Peb pom tias txawm muaj coob leej ntau tus muaj ib txoj kev ntseeg lawm los, lawv yeej nyiam tham txog phau Vajlugkub. Peb tsis yuam kom lwm tus mloog txoj xov uas peb qhia thiab peb paub tias nyias yeej muaj nyias ib txoj kev ntseeg.

Thaum nrog lwm tus tham txog kev ntseeg, peb “muaj lub siab mos siab muag” thiab hais lus saib taus lwm tus li phau Vajlugkub qhia. (1 Petus 3:15, 16) Peb paub tias yuav muaj tej tug tsis xav mloog. (Mathais 10:14) Txawm li los, yog peb tsis nrog lawv tham kiag ces peb yuav tsis paub xyov lawv nyiam los tsis nyiam. Thiab tib neeg lub neej yeej hloov mus hloov los, ces peb thiaj rov qab mus nrog lawv tham.

Tej zaum thawj zaug peb nrog lawv tham lawv tsis koom, tiam sis yog peb rov mus dua lawv yuav kam nrog peb tham. Thiab tsis tas li ntawd, thaum tej tug muaj kev nyuaj siab, yuav ua rau lawv xav mloog txoj xov zoo uas peb qhia. Vim li no peb thiaj rov mus xyuas lawv.