• Muaj Kev Sib Haum Xeeb Hauv Lub Koom Txoos
    Nyob Kaj Siab Lug Mus Ib Txhis—Kawm Phau Vajlugkub

    • 3. Koj yuav ua li cas thaum koj muaj teeb meem nrog lwm tus Khixatias?

      Txawm hais tias peb koom tau ua ib lub siab thiab ua tau ib pab ib pawg los peb sawv daws zoo tsis tiav ces muaj tej thaud peb yuav ua tau rau lwm tus tu siab los sis mob siab. Vajtswv Txoj Lus thiaj hais tias, “Nej ib tug yuav tsum zam txim rau ib tug, ib yam li Vajtswv twb zam txim rau nej lawm.” (Nyeem Kaulauxais 3:13.) Txawm hais tias peb yuav ua mob Yehauvas siab pe tsawg zaus los nws twb zam txim rau peb. Nws thiaj xav kom peb zam txim rau lwm tus thiab. Yog koj paub tias koj ua mob ib tug siab lawm, tsis txhob tos, kav tsij maj nrawm nroos mus nrog nws tham kom sib haum.​—Nyeem Mathais 5:23, 24.b