‘Thov Cia Koj Lub Tebchaws Los’—Coob Leej Thov Vajtswv Li No
Koj puas tau thov kom Vajtswv lub tebchaws los? Tau ntau pua xyoo, coob leej thov Vajtswv tias, ‘Thov cia koj lub tebchaws los.’ Vim li cas lawv thiaj thov li no? Rau qhov Yexus qhia nws cov thwjtim thov kom Vajtswv lub tebchaws los.
Thaum chiv thawj, Yexus cov thwjtim tsis nkag siab txhua yam txog lub tebchaws, tseem fwv lossis Nceeg Vaj. Muaj ib zaug lawv nug Yexus tias: “Tus Tswv, lub sijhawm no koj yuav muab lub Tebchaws [tseem fwv] rov rau cov Yixalayees los?” Tej zaum lawv tsis paub vim li cas Yexus tsis qhia rau lawv seb thaum twg lub tseem fwv mam li los. (Tes Haujlwm 1:6, 7) Yog li ntawd, peb puas yuav paub seb Vajtswv lub tseem fwv zoo li cas thiab yuav los thaum twg? Peb yeej yuav paub tau!
Phau Tsom Faj no yuav pab peb nkag siab cov lus nug no:
Vim li cas Vajtswv lub tseem fwv yuav tsum los?
Leejtwg yog tus kav Vajtswv lub tseem fwv?
Thaum twg Vajtswv lub tseem fwv mam li kav ntiajteb?
Vajtswv lub tseem fwv yuav ua dabtsi?
Vim li cas peb yuav tau txhawb nqa Vajtswv lub tseem fwv tamsim no?
Vajtswv lub tseem fwv zoo li cas?