Pom Ib Yam Uas Txhawb Zog Kawg Li

9:1-7

Yexus yuav raug ntau yam kev txom nyem tom hauv ntej. Yog li ntawd, thaum nws lub cev hloov hlo thiab hnov nws Leej Txiv Yehauvas hais saum ntuj ceeb tsheej tuaj tias Nws txaus siab heev rau Yexus, ntshe txhawb tau Yexus lub zog kawg li. Petus, Yakaunpau, thiab Yauhas kuj hnov thiab pom tej no tibsi. Yeej txhawb tau lawv txojkev ntseeg kawg li. Lawv pom tias Yexus yeej yog tus Mexiyas tiag thiab yuav tsum mloog nws lus. Tej uas Petus pom no ua rau nws yimhuab ntseeg “cov xibhwb cev Vajtswv lus tej lus.” Txawm twb muaj 32 lub xyoos lawm los, Petus tseem nco ntsoov lub caij ntawd.​—2Pt. 1:16-19.

Txawm peb tsis pom tim ntsej tim muag tej uas tau muaj tshwm sim thaum ntawd los, peb paub tias Yexus twb sawv ua Vajntxwv kav lawm thiab nws muaj hwjchim heev. Tshuav tsis ntev lawm xwb, Yexus “yuav mus ntaus yeej” Xatas thiab tshem tawm tej kev limhiam hauv lub qab ntuj no huvsi. Tom qab ntawd, cov ncaj ncees yuav tau lub ntiajteb ua lawv teej lawv tug.​—QTsh. 6:2.

Thaum koj pom tej lus faj lem hauv phau Vajlugkub muaj tiav, txhawb tau koj txojkev ntseeg li cas?