Cov Niam Txiv, Muab Yam Zoo Tshaj Rau Nej Tej Menyuam

Cov niam txiv uas hwm Yehauvas yeej xav kom lawv tej menyuam teev tiam Nws. Tiamsis yuav kom tej menyuam ua tau li ntawd, cov niam txiv yuav tsum ua li cas? Lawv yuav tsum ua tib zoo cob qhia tej menyuam thaum tseem yau. (Kc. 6:7; P.L. 22:6) Yog ua li ntawd, niam txiv yeej yuav zoo siab thaum lawv siv dag zog los cob qhia lawv tej menyuam.​—3Yh. 4.

Yauxej thiab Maivliag tso tau ib tug qauv zoo heev rau cov niam txiv. Txawm nkawd yuav siv dag zog thiab nyiaj txiag li cas los xij, nkawd “niaj xyoo mus nram Yeluxalees rau thaum ua kevcai Hla Dhau.” (Lk. 2:41) Yauxej thiab Maivliag nkawd pom tias tseem ceeb heev rau nkawd tsev neeg txav ze Yehauvas. Niaj hnub no los, cov niam txiv yeej pab tau lawv tej menyuam txav ze rau Yehauvas thiab. Lawv siv txhua lub sijhawm los cob qhia thiab coj tus qauv zoo rau tej menyuam xyaum.​—Nt.Nk. 127:3-5.

SAIB ZAJ YEEB YAJ KIAB NKAWD RAU SIAB UA YEHAUVAS TES HAUJLWM, TOM QAB NTAWD TEB COV LUS NUG NO:

• Txawm Ntsos (Jon) thiab nws tus pojniam muaj metub menyuam los, nkawd muab lub Nceeg Vaj tso ua ntej li cas?

• Vim li cas cov niam txiv yuav tsum cob qhia lawv tej menyuam ib tug zuj zus?

• Cov niam txiv yuav cob lawv tej menyuam li cas, menyuam thiaj npaj txhij rau thaum lawv txojkev ntseeg raug sim?

• Yehauvas lub koom haum tau npaj ntau yam twj. Ua li koj twb siv yam twg los pab koj cov menyuam txav ze rau Yehauvas lawd?