• “Khiav Ntawm Kev Ua Nkauj Nraug”
    “Nyob Hauv Vajtswv Txojkev Hlub”

    • 3. Npala-as ntxias tau cov Yixayee coob npaum li cas?

      3 Npala-as puas ntxias tau lawv? Nws kuj ntxias tau ib txhia thiab. Muaj ntau txhiab tus raug ntxias mus “deev Mau-a tej ntxhais.” Lawv tseem mus pe cov neeg Mau-a tej vajtswv, xws li pe tus dab Npa-as ntawm Pe-au uas yog tus vajtswv rau kev sib daj sib dee. Thaum kawg, thiaj muaj 24,000 tus Yixayee raug txim tuag rau ntawm tus ciam teb no. Yog ib qho tu siab kawg li!​—Xwm Txheej Taug Kev 25:1-9.

  • “Khiav Ntawm Kev Ua Nkauj Nraug”
    “Nyob Hauv Vajtswv Txojkev Hlub”

    • 4. Vim li cas ntau txhiab tus Yixayee qaug rau kev plees kev yi?

      4 Ua li cas ho muaj tej teeb meem no? Twb yog cov tibneeg cia lawv lub siab ntshaw txojkev ua phem ua qias. Txawm tias Yehauvas yog tus cawm lawv dim ntawm cov Iyi, yog tus coj lawv kev hla tebchaws mob sab qhua, thiab yog tus coj lawv mus txog ntua lub tebchaws uas nws cog tseg, los lawv tseem cia lawv lub siab ntawd coj lawv yuam kev ntawm Yehauvas. (Henplais 3:12) Tus tubtxib Povlauj thiaj sau tias: “Peb tsis txhob ua nkauj nraug ib yam li lawv qee leej ua, mas tib hnub xwb lawv tuag ob vam peb txhiab leej.”a​—1 Khaulee 10:8.