6. Neb ob niam txiv yeej kho tau neb tej teeb meem

YEEB YAJ KIAB: Pab Kom Txoj Kev Txij Nkawm Nyob Ruaj Khov (5:44)

• Hauv zaj yeeb yaj kiab no, ua li cas ob niam txiv no tsis sib hlub npaum li yav nram ntej ub lawm?

• Nkawd ho ua li cas nkawd txoj kev txij nkawm thiaj ruaj khov?

Nyeem 1 Kauleethaus 10:24 thiab Kaulauxais 3:13. Thaum nyeem ib nqe tag ces tham txog lo lus no:

• Thaum peb ua li nqe Vajlugkub no hais, yuav pab tau peb txoj kev txij nkawm kom ruaj khov li cas?

Phau Vajlugkub hais kom peb ib leeg hwm ib leeg. Thaum peb hwm lwm tus ces peb yuav ua zoo rau lawv thiab saib taus lawv. Nyeem Loos 12:10 thiab tham txog lo lus no:

• Puas zoo rau tus txiv los sis tus niam tos seb nws tus txij nkawm puas yuav ua zoo rau nws ua ntej tso? Piav seb yog vim li cas koj thiaj hais li ko.

Peb ib leeg tu cev thiab hnav tsoos tsho txawv ntawm ib leeg. Tiam sis yog peb ua li phau Vajlugkub hais ces tsis yog peb yuav hnav tau tsoos uas peb nyiam xwb, peb tseem yuav ua tau haum Yehauvas siab thiab. Cia peb mus tham me ntsis seb phau Vajlugkub hais li cas.

1. Tej ntsiab lus twg hauv phau Vajlugkub yuav pab kom peb txawj tu cev thiab txawj xaiv zam?

Peb ‘nyias yuav tsum tu nyias lub cev tsis txhob cia siv hle zab hle zuav los sis hnav tej tsoos tsho uas tsis tsim nyog hnav’ lwm tus thiaj paub hais tias peb “yog cov ntseeg Vajtswv.” (1 Timautes 2:9, 10) Nqe no tham txog ob yam: (1) Hnav tej khaub ncaws uas ‘tsim nyog hnav.’ Xws li thaum peb mus kev sib txoos, peb yeej pom tias Yehauvas cov neeg nyias nyiam hnav nyias lawm ib yam tiam sis lawv tej zam puav leej ua rau Yehauvas tau ntsej muag. Thiab peb hnav tej khaub ncaws kom du dais thiab raug qhov muag. Tsis txhob hnav tej khaub ncaws uas pom pom nqaij los sis tsab zam dhau kom tus twg los xav ntsia yus xwb. Yog peb paub tab thiab thoob tsib to nrog ces peb yuav tsis nrog luag vwm rau txhua yam tsoos tsho uas tawm tshiab tshiab thiab tsis tu cev zoo li cov neeg ntawd. (2) Peb yuav tsum tu cev thiab hnav tej tsoos kom phim qhov uas peb “yog cov ntseeg” thiab teev tiam tus tseem Vajtswv.​—1 Kauleethaus 10:31.

2. Vim li cas thaum peb xaiv khaub ncaws hnav, peb yuav tsum xav txog lwm tus thiab?

Peb yeej muaj cai xaiv tej khaub ncaws uas peb hnav tiam sis peb yuav tsum nco ntsoov tias yog peb hnav li ntawd, lwm tus ho yuav xav li cas. Peb tsis txhob hnav tej khaub ncaws uas yuav ua txob lwm tus siab tiam sis hnav tej uas yuav pab tau lawv thiab txhawb tau lawv lub zog xwb.​—Nyeem Loos 15:1, 2.

3. Ua cas qhov uas peb hnav khaub ncaws thiab tu peb lub cev kom zoo thiaj ua rau lwm tus xav los paub Yehauvas?

Txawm peb yuav mus qhov twg thiab yuav ua dab tsi los peb yuav tsum hnav kom zoo. Tiam sis tshwj xeeb tshaj plaws, peb yuav tau hnav kom zoo thaum peb mus kev sib txoos thiab mus tshaj tawm txoj xov zoo. Peb tsis xav kom neeg pom peb xwb ces lawv twb tsis xav mloog txoj xov zoo lawm, peb thiaj yuav tsum tau hnav tej khaub ncaws uas yuav ua rau sawv daws ‘saib taus Vajtswv tus uas yog peb tus cawm seej tej lus qhia.’​—Titus 2:10.

KAWM NTXIV

4. Yog peb hnav tsoos tsho kom zoo thiab tu cev du dais ces yuav ua rau lwm tus saib taus Vajtswv Yehauvas

Vim li cas thiaj li tseem ceeb heev rau peb hnav tej tsoos tsho kom zoo thiab tu cev kom du dais? Nyeem Tshwmsim 4:11 thiab tham txog ob lo lus no:

• Peb yog Yehauvas cov neeg, tsim nyog peb hnav tej khaub ncaws kom zoo li cas?

• Koj puas xav hais tias yeej tseem ceeb rau peb hnav tej khaub ncaws kom zoo thiab tu peb lub cev du dais thaum peb mus kev sib txoos thiab mus tshaj tawm txoj xov zoo? Thiab vim li cas koj thiaj xav li ko?

5. Txawj xaiv tsoos tsho thiab tu cev kom zoo

Saib zaj YEEB YAJ KIAB.

YEEB YAJ KIAB: “Ua Txhua Yam Rau Vajtswv Tau Koob Meej” (10:18)

Txawm peb tej khaub ncaws yuav kim thiab pheej yig los peb tej khaub ncaws yuav tsum huv si thiab tsim nyog rau peb hnav. Nyeem 1 Kauleethaus 10:24 thiab 1 Timautes 2:9, 10. Thiab tham seb yog vim li cas thiaj tsis zoo rau peb hnav tej khaub ncaws uas . . .

• ntsu kauv, hle zab hle zuav los sis lam tau lam hnav tej uas twb tsis tsim nyog hnav.

• zawm zawm thiab pom pom nqaij los sis tsis zoo saib.

Txawm tias cov Khixatias tsis coj Mauxes Txoj Kev Cai lawm los, peb yeej tseem kawm tau ntau yam los ntawm Mauxes Txoj Kev Cai tias Vajtswv Yehauvas zoo li cas. Nyeem 2 Kevcai 22:5 thiab tham txog lo lus no:

• Vim li cas cov txiv neej thiaj yuav tsum tsis txhob hnav tej tsoos tsho kom lawv zoo li tus poj niam thiab cov poj niam los yuav tsum tsis txhob hnav tej tsoos tsho kom lawv zoo li tus txiv neej?

Nyeem 1 Kauleethaus 10:32, 33 thiab 1 Yauhas 2:15, 16 ces tham txog cov lus no:

• Vim li cas thiaj tsis zoo rau peb hnav tej tsoos tsho uas yuav ua rau neeg zej zog los sis peb cov kwv tij nkauj muam hauv lub koom txoos txob siab?

• Ntawm thaj tsam uas koj nyob, tib neeg nyiam hnav tej khaub ncaws zoo li cas?

• Koj puas xav hais tias cov khaub ncaws ntawd muaj tej hom tsis zoo rau cov Khixatias hnav? Ua li cas koj thiaj xav li ko?

KOJ KAWM TAU DAB TSI

Yog peb hwm Yehauvas thiab saib taus lwm tus ces peb yuav hnav tej tsoos tsho uas tsim nyog hnav xwb.

Rov Tham Dua

• Vim li cas peb tej khaub ncaws thiab qhov uas peb tu cev kom zoo du dais thiaj tseem ceeb rau Yehauvas?

• Tej ntsiab lus twg hauv phau Vajlugkub yuav pab kom peb txawj xaiv khaub ncaws hnav thiab txawj tu cev?

• Ua cas qhov uas peb hnav khaub ncaws thiab tu peb lub cev kom zoo thiaj ua rau lwm tus xav los paub Yehauvas?

TSHAWB NTXIV

Thaum lwm tus pom tej khaub ncaws uas koj hnav, lawv xav li cas txog koj?

“Kuv Cev Khaub Ncaws Puas Zoo?” (Nyeem hauv jw.org/hmn)

Ua cas thiaj zoo rau koj ua zoo xav ua ntej luag muab koob nkaug ua duab rau koj lub cev?

“Phau Vajlugkub Hais Li Cas Txog Muab Koob Nkaug Ua Duab Rau Yus Lub Cev?” (Nyeem hauv jw.org/hmn)

Nyeem seb puas muaj lwm yam los pab kom peb txawj xaiv tsoos hnav.

Koj Cev Tsoos Tsho Puas Ua Rau Vajtswv Tau Ntsej Muag?” (Phau Tsom Faj lub 9 Hlis xyoo 2016)

Ib tug poj niam xav li cas txog Yehauvas cov neeg tej tsoos tsho thiab ua li cas tom qab no nws ho hloov siab lawm?

“Lawv Tej Tsoos Tsho Yog Qhov Uas Ua Nyuaj Rau Kuv Los Ntseeg” (Tsim Dheev! lub 12 Hlis tim 22 xyoo 2003)