• Phau Vajlugkub Hais Li Cas Txog Cov Muaj Txij Nkawm Thiab Tsis Muaj?
    Nyob Kaj Siab Lug Mus Ib Txhis—Kawm Phau Vajlugkub

    • 5. Ua zoo xaiv koj tus txij nkawm

      Qhov uas koj xaiv koj tus txij nkawm yog ib qho uas tseem ceeb tshaj plaws hauv koj lub neej. Nyeem Mathais 19:4-6, 9 thiab tham txog lo lus no:

      • Vim li cas ib tug Khixatias yuav tsum tsis txhob maj thiab lam tau lam yuav txij nkawm?

      Phau Vajlugkub yuav pab kom koj txawj xaiv tus txij nkawm zoo. Thiab qhov tseem ceeb tshaj yog xaiv tus uas hlub Yehauvas.b Nyeem 1 Kauleethaus 7:39 thiab 2 Kauleethaus 6:14 ces tham txog ob lo lus no:

      • Vim li cas peb thiaj yuav tsum yuav ib tug uas hlub Yehauvas xwb?

      • Koj sim xav seb, Yehauvas yuav xav li cas yog hais tias peb mus yuav ib tug uas tsis hlub nws los ua txij nkawm?

      Ib tug heev nyuj thiab ib tug nees luav ntxeem kwv ib tug quab.

      Yog muab ob hom tsiaj uas tsis loj sib luag los kwv ib tug quab ces yuav ua rau ob tug tsiaj ntawd raug mob. Zoo ib yam li ntawd, yog ib tug uas teev tiam Yehauvas mus yuav ib tug uas tsis ntseeg ces nkawd lub neej yeej yuav muaj teeb meem.