Nrog Cov Uas Hlub Yehauvas Ua Ke

Vim li cas ho zoo rau peb nrog cov tibneeg uas coj raws li Yehauvas pom zoo xwb? Vim tias cov neeg peb nrog ua ke txw tau peb mus ua qhov zoo lossis qhov phem. (P.L. 13:20) Nyob hauv phau Vajlugkub, thaum Vajntxwv Yehaulas nrog Pov Thawj Hlob Yehauyada ua ke, nws ‘ua tej yam uas Yehauvas pom tias zoo.’ (2VKk. 24:2) Tiamsis tom qab Yehauyada tas sim neej lawm, Yehaulas txawm mus xyaw cov tsis hlub Yehauvas, nws thiaj tso Yehauvas tseg.​—2VKk. 24:17-19.

Nyob thawj 100 xyoo, tus tubtxib Povlauj muab lub koom txoos Khixatia piv rau “ib lub tsev”. Nws muab cov Khixatia piv rau tej twj tais. Yog peb xav zoo li tej tais uas “siv rau qhov zoo,” peb yuav tsum tsis txhob mus nrog cov tsis hlub Yehauvas, txawm tias lawv yuav yog ib tug hauv peb tsev neeg lossis ib tug hauv lub koom txoos los xij. (2Tmt. 2:20, 21) Yog li no, cia peb ntaus phoojywg nrog cov uas ua haum Yehauvas siab vim lawv yuav txhawb kom peb rau siab ntso teev tiam nws.

SAIB ZAJ YEEB YAJ KIAB TXHOB POO NROG COV TSIS HLUB YEHAUVAS, TOM QAB NTAWD TEB COV LUS NUG NO:

• Yog peb tsis nco ceev faj, peb yuav mus poo cov tsis hlub Yehauvas li cas?

• Hauv zaj yeeb yaj kiab, dabtsi pab tau cov Khixatia thim xav?

• Phau Vajlugkub tej hauv paus ntsiab lus twg yuav pab tau koj xaiv phoojywg zoo?