LUB NEEJ KHIXATIA
Thaum Luag Thab Koj, Tso Siab Plhuav Rau Yehauvas
Qhov uas lwm tus thab koj yeej ua rau koj nyuaj siab. Thaum lawv tawm tsam koj txoj kev pe hawm Vajtswv, kuj txo tau koj txoj kev ntseeg thiab. Koj yuav ua li cas los tiv thaiv koj tus kheej?
Coob tus uas teev tiam Yehauvas thev taus txoj kev ua phem thab plaub vim lawv tso siab rau Yehauvas. (Phau Ntawv Nkauj 18:17) Ib tug qauv zoo yog Exethaws. Thaum nws paub txog Hamas lub tswv yim phem, Exethaws ua kev cai yoo mov thiab tso siab plhuav rau Yehauvas. (Exethaws 4:14-16) Ces nws ua siab tawv qhia vaj ntxwv txog Hamas lub tswv yim phem. (Exethaws 7:1-6) Yehauvas thiaj foom koob hmoov rau Exethaws thiab tiv thaiv nws thiab nws haiv neeg.
Cov hluas, thov Yehauvas pab koj yog hais tias muaj ib tug ua phem thab koj. Qhia rau koj niam koj txiv los sis ib tug laus uas koj ntseeg siab paub. Koj yeej tso siab tau tias Yehauvas yuav pab koj tib yam li nws pab Exethaws. Koj yuav tau ua li cas ntxiv, koj thiaj thev taus qhov uas luag thab koj?
SAIB ZAJ YEEB YAJ KIAB LUB NEEJ THAUM HLUAS—YOG MUAJ NEEG THAB PLAUB KUV YUAV UA LI CAS? TOM QAB SAIB TAG TEB OB LO LUS NUG NO:
Cov hluas xyaum tau Tshalim (Charlie) thiab Feleem (Ferin) li cas?
Yog muaj tib neeg thab koj cov me nyuam, Tshalim thiab Feleem cov lus pab kom koj txawj pab koj cov me nyuam li cas?