ZAJ NKAUJ 14
Qhuas Tus Vajntxwv Tshiab
(Ntawv Nkauj 2:6)
1. Txhua caj ces neeg tau sib sau nthwv
nyob thooj siab koom ntsws ua ke.
Yexus Khetos thiab cov xaiv tseg
tau sua sawvdaws ua ib tse.
Lub Nceeg Vaj twb tshwm plaws los kav,
Cia ntiajteb muaj raws Vajtswv xav.
Kev vam kev cia siab ntawm lub Nceeg Vaj,
Kho tau txhua tus nyob zoo nyob kaj.
(TXAIS)
Qhuas Vajtswv Yehauvas thiab Leej Tub mus ib txhis,
Tus Vaj ntawm tej vajntxwv thiab tej tswv.
Peb thooj siab koom ntsws cia nws ua tus kav.
Qhuas tus Vajntxwv coj kev ncaj.
2. Peb tus Vajntxwv Yexus Khetos,
peb zoo siab dhia luag ntxhi tos.
Tus Vaj Thaj Yeeb yuav txiav txim ncaj thiab
cawm tau txhua tus dim hlo.
Txojkev zoo siab nyob tom hauv ntej,
Tsis muaj kev txhawj ntshai nyob ntiajteb.
Txog caij nyoog tus tswv tsa cov txheeb ze,
Yog lub caij lub nyoog dhia npuaj tes.
(TXAIS)
Qhuas Vajtswv Yehauvas thiab Leej Tub mus ib txhis,
Tus Vaj ntawm tej vajntxwv thiab tej tswv.
Peb thooj siab koom ntsws cia nws ua tus kav.
Qhuas tus Vajntxwv coj kev ncaj.
(Rho ntawm Nt.Nk. 45:1; Yxy. 9:6; Yh. 6:40.)