ZAJ NKAUJ 38
Nws Yuav Hwj Koj Ruaj Khov
(1 Petus 5:10)
1. Vajtswv rub ntiag koj cia koj thiaj los paub qhov tseeb,
Thiab hu koj hauv qhov tsaus los rau qhov kaj.
Hauv koj nruab siab Vajtswv pom tias
Koj ntshaw qhov tseeb,
Xav los nrhiav nws thiab ua qhov yog qhov ncaj.
Koj cog lus yuav ua raws li nws siab nyiam,
Nws ib txwm pab, yuav pab qas txheeb qas tiam.
(TXAIS)
Yehauvas txhiv koj los cia,
Los ua nws teej nws tug.
Nws yuav hwj koj ruaj khov,
Nws yuav hwj koj ruaj nreeg.
Nws yuav coj koj txoj hau kev,
Nws yuav tsis ncaim tsis nrug.
Nws yuav hwj koj ruaj khov,
Nws yuav hwj koj ruaj nreeg.
2. Vajtswv tau pub nws tib leeg Tub los tuag txhiv koj,
Tus Tswv thiaj txhawb koj nyob ruaj nreeg ruaj khov.
Nws zoo siab tso Leej Tub los daws lub txim ntawm koj,
Tso siab nws yuav pub dag pub zog tsis ploj.
Nws nco ntsoov koj tes haujlwm xyoo dhau xyoo,
Nws yuav taug nraim koj qab taug nraim koj moo.
(TXAIS)
Yehauvas txhiv koj los cia,
Los ua nws teej nws tug.
Nws yuav hwj koj ruaj khov,
Nws yuav hwj koj ruaj nreeg.
Nws yuav coj koj txoj hau kev,
Nws yuav tsis ncaim tsis nrug.
Nws yuav hwj koj ruaj khov,
Nws yuav hwj koj ruaj nreeg.
(Rho ntawm Loos 8:32; 14:8, 9; Hnpl. 6:10; 1Pt. 2:9.)